E fundit!

11:13 Aktualitet

Protesta, "mollë sherri" në Konferencën e Kryetarëve/ Zhupa-mazhorancës: Po fabrikoni prova

Protesta e qytetarëve para Kryeministrisë ka sjellë debate...

Gabriel García Márquez, pesë libra që duhet t’i lexoni

30 Janar 2016, 22:17, Kulturë CNA

Nobelisti Gabriel García Márquez u bë i njohur botërisht në vitin 1967 me romanin ?Njëqind vjet vetmi?.
Mes librave të shumtë që ka shkruar, artistikë e publicistikë, pa dyshim janë edhe ata që duhen lexuar patjetër.

Njëqind vjet vetmi ? 1967
Romani ?Njëqind vjet vetmi? përshkruan histori të shtatë brezave të së njëjtës familje në fshatin imagjinar të Makondos. Në këtë libër përshkruhet ngritja dhe rënia e familjes Buendia dhe e fshatit Makondo, themeluar prej saj në zemrën e Kolumbisë. Nga kryeplaku i familjes dhe themeluesi i Makondos, Josè Arcadio Buendia, deri te fëmija i fundit me të cilin mbyllet romani, kalon një shekull, një shekull plot magji dhe misticizëm. Pas martesës së Josè Arcadio me kushërirën e tij, Ursula, brezat e mëvonshëm jetojnë të mbytur nga supersticioni dhe nga frika e lindjes së fëmijëve me bisht derrkuci. Të pakta janë çastet e lumtura në jetën e banorëve të Makondos, shpesh herë i trazuar nga lufta civile, katastrofat natyrore dhe shkatërrimet nga dora e njeriut, deri te shkatërrimi përfundimtar i fshatit nga një ciklon tropikal.

Vjeshta e patriarkut ? 1975
Garcia Marquez kaloi dhjetë vjet duke bërë kërkime mbi diktaturat dhe diktatorët dhe më pas u mundua të harronte gjithçka që kishte parë dhe dëgjuar për të krijuar një histori mbi të atë që e cilësoi ?gjenerali i universit?. Vetë autori e ka cilësuar si një vepër mbi fuqinë e vetmisë.

Dashuri në kohërat e kolerës ? 1985
Frymëzuar e historia e prindërve të tij, ?Dashuri në kohërat e kolerës? tregon se si dashuria midis Florentino Arizo dhe Fermina Daza prishet nga martesa e Ferminas me një doktor i cili përpiqet të zhdukë kolerën. Pas largimit të tij, Florentino rikthehet pas 60 vjetësh.

Gjenerali në labirintin e tij ? 1989
Një libër kushtuar Simon Bolivar, i cili çliroi Kolumbinë nga pushtimi spanjoll në shekullin e 19-të. Libri shkaktoi një ?stuhi? të vërtetë në Amerikën e Jugut kur u publikua për herë të parë. Në këtë libër, autori bën portretin e një burri të ezauruar fizikisht dhe mendërisht.

Kronikë e një rrëmbimi ? 1996
Garcia Marquez nuk rreshti së punuari si gazetar, duke argumentuar se gazetaria e mbante në kontakt me botën reale. Tematika e këtij libri bazohet në rrëmbimet e organizuara nga grupet e drogës në Kolumbi, të udhëhequra nga trafikanti i famshëm Pablo Eskobar./botimeshqip.com