E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Korçë/ Përkujtohet 85-vjetori i vdekjes i Mihal Gramenos

5 Shkurt 2016, 12:43, Kulturë CNA

Ne ambientet e Muzeut Kombëtar te Arsimit-Mesonjetorja e Pare Shqipe u zhvillua sot një aktivitet ne përkujtim te 85 vjetorit te ndarjes nga jeta te atdhetarit, shkrimtarit, luftëtarit dhe njërit prej mbështetësve te shkollës se pare shqipe, “Heroit te Popullit” Mihal Grameno.

Aktiviteti u organizua nga Muzeu Kombëtar i Arsimit dhe Qendra Kulturore e Fëmijëve qe mban emrin e heroit. Ne prezence te pasardhësve te Gramenos, intelektualeve te qytetit, nxënësve dhe mësuesve te shkollave te qytetit u dha një program artistik, ku u kënduan këngë patriotike dhe u recituan krijime te Mihal Gramenos.

Risia ne këtë aktivitet ishte publikimi për here te pare i një kartoline te shkruar nga Grameno ne fund te dhjetorit te vitit 1913, ne te cilën gjendet edhe një vjershe e panjohur e tij. Njëkohësisht, nga Muzeu ishte përgatitur një ekspozite me materiale e dokumente te shkruara dhe fotografike qe trajtonin jetën e heroit si dhe botimet e para te veprave te tij.

Ne fund te aktivitetit, valltarët e vegjël te qytetit interpretuan një valle gorarce dhe me pas vendosen nga një karafil te kuq ne bustin e heroit qe është vendosur brenda Muzeut, bust qe u përurua ditën e sotme dhe qe është punuar nga skulptori Ilia Xhano ne vitin 1958.

Mihal Grameno u lind ne Korce ne vitin 1871 dhe u aktivizua shpejt ne levizjen patriotike te shqiptareve jashte atdheut. Emigroi ne Rumani, ku u be pjese e kolonise patriotike te shqiptareve te atjeshem. Ai me arme ne dore ishte pjese e se pares cete kombetare te drejtuar nga Bajo e Cerciz Topullit. Botoi gazetat “Lidhja orthodhokse”dhe “Koha””, organe te rendesishme te luftes patriotike dhe te clirimit kombetar. Gjithashtu, Grameno ka botuar vellimet “Mallkimi i gjuhes shqipe”(komedi ne vargje, 1905), “”Vdekja e Piros”(drame ne vargje, 1906), “Oxhaku” (1909), “Varri i pagezimit” (1909), “E puthura” (1909), “Kryengritja shqiptare”(kujtimet e jetes se tij, 1925). Vdiq ne Korce, me 5 shkurt 1931.