web counter
LEXO PA REKLAMA!

SHKARKO APP

App Store
Google Play

E fundit!

x

Zbulohen manipulimet e Enno Bozdos/ Si falsifikoi zgjedhjet në PD

7 Mars 2016, 11:33, Denoncim CNA

Dy ditë më parë citynews denoncoi skandalin e manipulimeve dhe falsifikimeve të rezultateve për zgjedhjet e bëra nga Partia Demokratike në degën e Korçës. ( Lexo lajmin: Urdhri me sms/Enno Bozdo manipuloi kryesinë e PD-së)

Pas më shumë se një viti, ku në vazhdimësi kemi denoncuar skandalin e zgjedhjes së një kryetari në proces të falsifikuar si dhe manipulimin e 100% të anëtarëve të kryesisë, ne po sjellim fakte të pakontestueshme për të cilat, jemi të gatshëm ti ballafaqojmë në të gjitha institucionet politike të opozitës se sekretari organizativ i Partisë Demokratike është kapur duke manipuluar vota.

Numri që duket në foto është i Enno Bozdos

dhe kjo sms iu është drejtuar numëruesve të votave gjatë Kuvendit të PD-së në Korçë. Për më tepër janë dy sms që tregojnë falsifikimin e rezultatit për kryesinë e PD-së në Korçë. Në sms-në e parë vërtetuam falsifikimet për grupseksionet e Maliqit, Pustecit,

Drenovës, Vreshtas dhe Mollas. Në sms-në e dytë vërtetohen manipulimet për grupseksionet Pojan, Bulgarec, Pirg dhe Libonik.

Problemi nuk janë 5 apo 10 anëtarë kryesie në qytetin jug-lindor. Problemi qëndron tek një proces i falsifikuar korruptiv brenda strukturave të PD-së që udhëhiqet nga sekretari organizativ i partisë.

Ndoshta ky është rasti i parë në historinë politike të Shqipërisë që sekretari i partisë, përgjegjës për organizimin dhe zgjedhjet e partisë, kapet duke vjedhur.

A mund të dalë PD dhe Enno Bozdo të kërkojnë zgjedhje të lira dhe besueshmëri nga kundërshtari politik kur vjedhin votat e anëtarëve të thjeshtë të strukturave?

 

Në rastin konkret kemi të faktuar vjedhje votash nga Enno Bozdo, që nuk kanë asnjë ndryshim nga sjellja dhe zgjedhjet e PS-së në bazë. A mund të jetë PD e besueshme në opinioni publik kur drejtues të lartë të saj vjedhin votat e anëtarëve të thjeshtë? Ku qëndron morali i PD-së kur i kërkon kundërshtarit politik të bëjë zgjedhje në parti apo të garantojë zgjedhje të lira politike në vend?

Përgjigja në fakt të vjen menjëherë ndërmend, por të shpresojmë që kreu demokrat Basha, pas denoncimit të dytë të mos heshtë, por të reagojë për këtë skandal kur një nga bashkëpunëtorët e tij të ngushtë është kapur duke vjedhur vota.

Heshtja për Bashën nuk do të ishte zgjidhje pasi tregon se vjedhja, minimalisht është bërë me urdhër të tij, në rast se nuk do të kemi një masë konkrete për këtë skandal.

Citynews, në vazhdim do të sjellë të tjera fakte dhe dëshmi të manipulimeve të votave dhe pazareve të bëra nga Enno Bozdo jo vetëm në Korçë./citynews





Lajmet e fundit nga