web counter
LEXO PA REKLAMA!

SHKARKO APP

App Store
Google Play

E fundit!

x

Skandali/ Hiqet nxënësja e ekselencës për bindjet politike të babait

25 Janar 2016, 19:13, Denoncim CNA

Një ngjarje e paprecedentë është shënuar ditën e sotme në fshatin Lin të Pogradecit. Babai i një vajze në klasën e 9 në shkollën ?Myredin Bashalli? ka përfunduar në urgjencën e spitalit të Pogradecit, pasi kishte debatuar me nëndrejtorin e shkollës, i cili i kishte hequr vajzës së tij emrin nga lista e nxënësve ekselentë,të cilët u shpërblyen nga qeveria me nje shumë simbolike për arritjet e tyre. Sipas të atit të vajzës Adriatik Likollari, i cili është shqetësuar emocionalisht mbi padrejtësinë që i është bërë vajzës së tij dhe të cilin unë personalisht e kam vizituar në urgjencën e spitalit të Pogradecit, vajza e tij është me të gjitha notat 10-ta, në të gjitha deftesat e saj dhe pikërisht për këtë arsye ka qenë edhe pjesë e listës së nxënësve ekselentë dhe ku duhej të kishte marrë shpërblimin stimulues të qeverisë. Babai i Dolorezës tregon per citynews se nuk kishte nevojë për cmimin prej 50 mijë lekësh të vjetra, por vetëm fakti se vajza e tij do të vlerësohej për arritjet e saj, e bënte atë krenar për vajzën e tij.

Ai thotë se fajtori kryesor për heqjen e emrit të vajzës së tij nga lista është nëndrejtori i shkollës Hyqmet Jacellari, i cili edhe në zyrën e tij gjatë takimit që kanë pasur sot i ka treguar vërtetimin se vajza e tij është nga nxënëset e shkelqyera të shkollës së Linit, por që sipas nëndrejtorit nuk mund që ta përfitonte këtë cmim, pasi ishte në klasën e 9-të dhe po sipas nëndrejtorit këtë cmim e përfitojnë vetëm fëmijët e klasave të 7 dhe të 8, ndërsa i ka thënë se vendosjen dhe heqjen e emrave e bën zyra arsimore Pogradec. Por ndërkohë sipas babait të vjazës emri i saj është hequr qëllimisht nga nëndrejtori, duke e zvendësuar atë me emra të miqve të tij partiakë, në këtë rast ka thënë ai me të disa socialistëve nga Piskupati.

Si gazetar që jam mora kontakt me Zyrën Arsimore Pogradec, me nje nga specialistët e kurrikulës në këtë zyrë,i cili më tha: “se të gjithë nxënënsit nga klasa e 1 deri në të 12-të nëse në vitin paraardhës kanë në deftesë të gjitha notat 10-ta përfitojnë këtë cmim,askush nuk përjashtohet nga ky vlerësim? ka deklaruar punonjësi i cili i bazohej edhe udhëzimit të ardhur nga Minsitria e Arsimit,udhëzim që iu është dërguar edhe drejtorëve të shkollave.

Nga ky konfirmim i zyrës arsimore Pogradec më rezulton se nëndrejtori i shkollës vërtet e paska bërë me mik këtë punë, duke favorizuar shokët e partisë së tij dhe duke përjashtuar nga lista nxënësit vërtet të shkëlqyer sic është edhe rasti i Dolorezës nga Lini.

Cfarë fatkeqësie ku kanë arritur ndërhyrjet politike.

P.S nesër sëbashku me babain e Dolorezës do jem në zyrën arsimore për të vënë në vend drejtësinë dhe për të kërkuar ndëshkim mbi atë se cfarë ka bërë ky palo nëndrejtor,i cili njw miku te partise i ka bere femijen ekselent edhe pse nuk ka qene i tille por i ka dhene edhe nje shperblim prej 50 mije lekesh te vjetra. TURP !/Artin Halili, Pogradec





Lajmet e fundit nga