E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Zbardhen Shkresat/ Drejtori i Kokëdhimës largon 550 punonjës nga UKT

9 Janar 2016, 08:47, Denoncim CNA

Ndërrimi i drejtorëve ka sjellë një valë shkarkimesh në UKT. Sipas gazetës ?Sot?, vetëm në dy ditë janë shkarkuar më shumë se 400 punonjës, ndërsa pritet që numri i të larguarve të shkojë në 550. Arsyet e shkarkimeve, sipas shkresave të të larguarve janë për shkurtime dhe për punë jo efektive.

Një prej të pushuarve nga puna në UKT në datën 30 dhjetor të vitit që kaloi, tregon për gazetën ?Sot? se shkarkimet janë bërë me urdhër të drejtorit të ri të Ujësjellës Kanalizimeve Tiranë, Neritan Gjojdeshi. Endrin Gjipali tregon se Neritan Gjojdeshi ka marrë postin e drejtorit të UKT pasi ai është një person që ka lidhje miqësore të ngushta me deputetin e Partisë Socialiste, Koço Kokëdhima. Sipas Gjipalit, Gjojdeshi është njeri i deputetit Kokëdhima. Ai tregon se të pushuarit janë të gjithë të punësuarit nga ish-drejtuesi i UKT, Sahit Dollapi. ?Janë shkarkuar mbi 400 persona. Numri total është planifikuar të shkojë në 550. Shkarkimet i urdhëron drejtori i ri i UKT, Neritan Gjojdeshi, në fakt njeri i Koço Kokëdhimës. Kush është futur në punë që nga koha e Sahit Dollapit po hiqet?, tha i pushuari

Lidhur me pushimet masive në këtë administratë, janë kryer denoncime edhe nga opozita, por deri më tani nuk ka asnjë reagim nga ky institucion apo nga drejtues të lartë.

Arsyet e shkarkimeve

Sipas Ujësjellës Kanalizime Tiranës, shkarkimet janë të justifikuara me shkurtimin e vendeve të punës dhe me moskorrektësinë në punë. Në shkresat e të pushuarve nga puna, thuhet: ?Në zbatim të nenit 148 të Kodit të Punës së RSH, të nenit 11 pika 2, të Kontratës Kolektive të Punës, datë 03.06.2013 i ndryshuar, në kuadër të ndryshimeve në Strukturën Organizative të Shoqërisë Ujësjellës Kanalizime Tiranë, sh.a, e cila është miratuar me vendimin e Asamblesë së Aksionarëve, nr.25, datë 09.12.2015 nga e cila rezulton se numri i vendeve të punës pranë sektorit të Faturimit, Njësia Tiranë nr.1, është shkurtuar, dhe janë respektuar procedurat e pushtimit kolektiv nga puna, e parashikuar në nenin 148 të Kodit të Punës për shkak se numri i pushimeve nga puna brenda periudhës 90-ditore, duke filluar nga data 09.12.2015, është më i lartë se 30 ky pushim konsiderohet si pushim kolektiv, bazuar në Kompetencat e drejtorit të Përgjithshëm të Shoqërisë, është shkresa e datës 30.12.2015.?

Ndërsa, një shkresë tjetër, jep arsyetimin e moskorrektësisë në punë

?Mbështetur në nenin 37, të Kodit të Punës si dhe nenit 24 dhe 5 të Kontratës Kolektive të Punës, bazuar në informacionin e paraqitur nga Drejtoria e Njësisë Tiranës nr. 3, datë 07.09.2015 lënda ?Propozim për Masë Disiplinor?, Drilon Pozhari, me detyrë Faturist, jepet masa disiplinore ?Pushim nga Puna? për shkak të mosrespektimit të Rregullores së Brendshme të UKT sh.a?, thuhet në shkresë.