E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

"Fiks Fare"/ Policët rrahin 18-vjeçarin për një kartë identiteti (Video)

4 Nëntor 2015, 13:42, Denoncim CNA

Gjashtë muaj më parë një 18-vjeçar, që jeton në lagjen ?Halil? në Fushë-Krujë pretendon se është rrahuar nga policia, ngjarje të cilën e dëshmon me fakte, pasi ka të ruajtura fotografitë që tregojnë shenjat e dhunës në trupin e tij. Me fotografitë në duar ai ka gjashtë muaj që kërkon që punonjësit e policisë të mbajnë përgjegjësi ligjore për dhunën e ushtruar, por mësohet se kallëzimi që ka dashur të bëjë e ëma e të riut nuk është pranuar nga policët me pretendimin se është ditë e diel.

Fiks-Fare-karta-e-identitetit-1 Mospasja e një dokumenti identifikimi me vete është bërë shkak për dhunimin e 18-vjeçarit Maringlen Allaj dhe shoqërimin e tij në ambientet e komisariatit. Për dhunën që pretendon se kanë ushtruar ndaj tij dy efektivët e policisë kriminale të Fushë-Krujës, ai bashkë me familjarët e tij kanë bërë kallëzim në prokurori dhe në SHKB-në e policisë së Durrësit. Por mësohet se Prokuroria e Krujës ka mbyllur hetimet, ndërkohë që familjarët dhe i riu shprehen të indinjuar dhe këmbëngulin se 18-vjeçari është dhunuar nga ana e policisë. Këtë fakt e konfirmon ekspertiza e Mjekësisë Ligjore, ku theksohet se ?i riu ka shenja në kokë dhe fytyrë, që tregon se është goditur me mjete të forta?.

Liljana Allaj, ka denoncuar në Fiks Fare, dhunën që ka ushtruar policia e Fushë-Krujës, ndaj djalit të saj 18-vjeçar. Pasi iu drejtuan emisionit ?Fiks Fare?, nëna e 18-vjeçarit dhe daja i tij realizuan një takim me dy punonjësit e Komisariatit të Policisë së Fushë-Krujës, Elton Zemani, shef i seksionit dhe specialist për krimet e hapura në Fushë-Krujë dhe Vladimir Ymerin, specialist për krimet e hapura po në këtë qytet. Gjatë bisedës, dy specialistët e policisë këmbëngulin se nuk e kanë dhunuar të riun. Kur të afërmit e tij e pyesin se kush ia shkaktoi plagët që ka konstatuar mjeku ligjor, policët tregojnë se mund të jenë shkaktuar kur ata e kanë mbështetur te makina në momentin e ndalimit, ose më pas kur e kanë shtrirë në asfalt.

Të afërmit këmbëngulin në këtë bisedë duke thënë se punonjësit e policisë kanë qenë civil në momentin e ndalimit në atë mbrëmje, nuk kanë pasur uniform, por dy efektivët e policisë thonë se janë prezantuar Fiks-Fare-karta-e-identitetit-2 si policë dhe kanë treguar dokumentin e policisë. Madje shtojnë se personi që ata kanë ndaluar ka goditur njërin nga punonjësit e policisë me bërryl dhe tjetrin e ka kafshuar në krah. Por, ajo që të bie në sy gjatë kësaj bisede është fakti se një nga punonjësit e policisë këmbëngul në faktin se ai do të reagojë ndaj kujtdo personi që ushtron dhunë ndaj tij, edhe pse është në krye të detyrës dhe duke kryer një funksion publik Vladimir Ymeri shprehet se ?nëse më qëllon, me pas 12 pashë brirët, do të qëlloj? duke nënkuptuar se gjatë ndalimit të 18-vjeçarit ai është goditur prej efektivit të Policisë së Shtetit.

Pas këtij debati, të dy punonjësit e policisë, që kanë kryer verifikime për personin që kanë shoqëruar në komisariat dhe janë bindur që ka qenë një student pa precedentë penalë e mbyllin bisedën duke thënë se i vetmi gabim i atij të riu ishte se ndodhej në vendin e gabuar dhe në momentin e gabuar. Të gjithë këtë histori dhe një kopje të dokumenteve familjarët i sollën në ?Fiks Fare? me shpresën se dikush do të verifikojë provat që ata kanë mbledhur për ngjarjen e mbrëmjes së 9 majit 2015 në stacionin e autobusit për në lagjen ?Halil?.

[youtube url=”https://www.youtube.com/watch?v=pMuhUw_g3js” width=”560″ height=”315″]