web counter
LEXO PA REKLAMA!

SHKARKO APP

App Store
Google Play

E fundit!

x

Mashtrimi i kryebashkiakut Veliaj/ Ja lokali që do të ndërtohet te Liqeni

17 Shkurt 2016, 18:54, Denoncim CNA

?100 herë të më thonë zgjidh, 100 herë do të zgjedh anën e fëmijëve të Tiranës!? Kështu deklaroi ditën e sotme Kryebashkiaku Erion Veliaj, i cili mesa duket ka shprehur thjesht dhe vetëm mashtrimin e rradhës për qytetarët e Tiranës.

Pas projektit të ndërtimit të Këndit të Lojrave për Fëmijë te Liqeni Artificial, në fakt fshihet ndërtimi i një lokali, i cili nuk dihet se nga kush do të përfitohet, por askush nuk mund të thotë që nuk do jetë biznes politik i kryebashkiakut apo qokë korruptive.

Me një fshehtësi të plotë dhe pa u konsultuar me grupet e interesit, Veliaj urdhëroi rrethimin e zonës dhe prerjen e pemëve për të krijuar hapësirën për ndërtimin e këndit të lojrave ku një lokal do jetë edhe biznesi më fitim prurës. Përveç këndit të lojrave, projekti në fjalë do të përfshijë edhe ndërtimin e një lokali bar-restorant që do të jepet me konçesion për t?u shfrytëzuar nga ndonjë operator privat. Në fakt e gjitha çka pritet të ndodhë është një grabitje e hapësirave të gjelbra të liqenit si dhe përfitimi i ambjenteve publike nga klientë dhe njerëz afër pushtetit lokal të Tiranës.

Siç duket edhe më poshtë në relacionin teknik, Zona e kendit te Lojrave sipas Master Planit eshte paralel dhe ka lidhje te drejperdrejte me nje hapesire tjeter e quajtur Grand Kafe, nje hapesire kjo e rezervuar per prinderit, te cilet duke pire nje kafe ose duke lexuar nje gazete mund të kontrollojne femijet e tyre. Kjo është krejt normale, por Veliaj e fshehu dhe foli vetëm për parkun e fëmijëve. Në fakt për atë që është biznesi i vërtetë kryebashkiaku i Tiranës nuk foli asnjë fjalë. Për lokalin në fjalë natyrshëm mund të lindin dyshime lidhur me përfituesin që do të ushtrojë aktivitetin ekonomik në të. Veliaj nuk e tregoi as objektin dhe as përfituesin e saj në zonën më të rëndësishme dhe të frekuentuar në Tiranë./citynews

 





Lajmet e fundit nga