web counter
LEXO PA REKLAMA!

SHKARKO APP

App Store
Google Play

Betonizimi i liqenit/ Ja sa kushtoi antimitingu i Veliajt

1 Mars 2016, 17:47, Aktualitet CNA

Antimitingu i Kryebashkiakut Erion Veliaj ka kushtuar rreth 8 milion lek të vjetra. Bëhet fjalë për aktivitetin e organizuar ditën e dielë, ku u vu re tentativa për të përdorur fëmijët kundër protestës që do të zhvillohej në anën tjetër të Parkut të Liqenit lidhur me projektin që do t?a betonizojë atë. Sipas dokumentave të siguruara nga citynews, mësohet se janë përdorur plot 5000 tullumbace, mikrofona, ekran dhe foni për një aktivitet, qëllimi i të cilit nuk përmendet askund zyrtarisht. Ndërkohë nuk dihet se kush e ka fituar tenderin në fjalë, pasi fituesi nuk është bërë me dije ende në asnjë nga publikimet zyrtare të institucioneve përgjegjëse.

Edhe pse nuk është e shkruar askund në dokumentat zyrtare, aktiviteti në fakt nuk ka qenë asgjë tjetër përveçse antimiting i organizuar për të shkëputur vëmendjen nga ajo çfarë po ndodhte pak metra më larg, ku pjestarë të shoqërisë civile në shenjë proteste mbollën fidanë në vendin ku kanë nisur punimet për betonizimin e liqenit. Megjithatë në statusin e shpërndarë nga Kryebashkiaku Veliaj për antimitingun në faqen zyrtare në Facebook, Veliaj lë të kuptohet atë që përmendet më sipër. ? Qindra prindër e fëmijë dolën në mbështetje të të vetmit kënd lojrash për fëmijë tek Liqeni! Do ta kenë, në 1 Qershor. Pakica mund ta mbikqyrë projektin, por nuk i imponohet qytetit me bllokim. Koha për maturi, jo histeri.? shkruan Veliaj.

Ndërkohë, fidanët e mbjellë janë shkulur sot duke treguar edhe një herë arrogancen e projektuesve për shkaterrimin e parkut. Por problemet e shkaktuara prej veprimeve të pashembullta të Veliajt nuk kanë të mbaruar. Kështu, bëhet fjalë për fonitë e përdorura. Siç duket edhe në dokumentat e mëposhtme, fonia e përdorur kërkohej të kishte nivelin 7000 – 10000 watt. Por të pranishëm në aktivitet ishin shumë fëmijë. Burimet i thanë citynews se fuqia e përdorur është absolutisht e dëmshme për veshët e fëmijëve./citynews





Lajmet e fundit nga