web counter
LEXO PA REKLAMA!

SHKARKO APP

App Store
Google Play

Kushërira e Aldës: Nuk e harroj kurrë fytyrën prej të çmenduri të Rrokut 

29 Shkurt 2016, 22:21, Aktualitet CNA

Komenti i plotë:

Përse qave Ardit?

Marian Rrokun e kujtoj shumë mirë kur i shpërfytyruar, me fytyrë të nxirë e me hap të shpejtë qasej pranë kangjellave të ?Asim Vokshit? për të ?takuar? forcërisht Aldën tonë, kushërirën time.

Ndoshta shumë detaje prej asaj historie nuk më vijnë qartë ndërmend, por nja dy gjëra i kujtoj shumë mirë: fytyrën prej të çmenduri të Rrokut që i ishte qepur këmbë pas këmbe Aldës, kushërirës sime dhe para kësaj, krahët e hollë të 16- vjeçares, të nxirë prej dhunës së tij.

Edhe buzëqeshjen e Aldës sigurisht, as atë nuk e harroj dot kur e terrorizuar rendja drejt klasës së saj për të parë nëse i kishte ndodhur diçka, ndërsa ajo ma kthente me një të qeshur si për të më thënë të mos shqetësohesha se gjithçka do të shkonte mirë.

E pra, jam dëshmitare se ky njeri e përndiqte Alda Canajn, se ajo ishte e frikësuar prej tij e nëse ka ndodhur që në një moment të jetës së saj të ketë qenë e dashuruar me të ky nuk është gabim e të ndahesh, sërish nuk është gabim.

E tha bukur Rroku ky manipulues i opinionit publik se nuk ka të drejtë të marrë jetë, por ja që e bëri. Ne si gazetarë e dimë mirë se ky profesioni ynë e ka një mision. Në rastin e kësaj interviste e pata të vështirë ta gjeja se kush ishte.

Të shfaqesh si engjëll një kriminel që vrau një fëmijë dhe nënën e saj është absurde, e pashpjegueshme, nuk ma pranon logjika sado ftohtë të mundohem të qëndroj përballë kësaj interviste.





Lajmet e fundit nga