web counter
LEXO PA REKLAMA!

SHKARKO APP

App Store
Google Play

E fundit!

x

Rritja e çmimit të transportit urban/ Zbulohet klienti i dytë i Veliajt, ortak në biznese edhe me Blendi Gonxhen

29 Shkurt 2016, 17:49, Aktualitet CNA

Pas denoncimit të djeshëm nga citynews lidhur me lidhjet klienteliste të Kryeministrit Rama dhe Kryebashkiakut Veliaj të cilat ndikuan në rritjen e çmimit të biletave urbane, sot do të sjellim një tjetër rast që rifakton arsyen e rritjes prej 33% të transportit publik.

Pronari i Linjës së autobuzave ?Albatrans?, Fatos Vrapi ishte një nga lobuesit për rritjen e çmimit të biletave. Sipas një investigimi të citynews, rezulton se Vrapi është bashkëpronar me Drejtorin e Përgjithshëm të Parqeve, Blendi Gonxhe. Ky i fundit ka qenë nënkryetar i Bashkisë së Tiranës në kohën kur kjo bashki drejtohej nga Edi Rama, ndërsa sot është edhe Anëtar socialist i Këshillit Bashkiak. Siç duket edhe në ekstraktin e mëposhtëm të QKR-së, Vapi dhe Gonxhe janë bashkëpronarë në Libertas Media Group shpk në të cilën Vrapi dhe Gonxhe ndajnë 25% secili.

Burime për citynews thanë se Fatos Vrapi ka sponsorizuar në vitin 2013 autobuzin e ?Rilindjes? së Partisë Socialiste, me të cilin Rama dhe socialistët e përdorën për të udhëtuar në qytetet e Shqipërisë gjatë fushatës për zgjedhjet parlamentare.

Ndërkohë, Fatos Vrapi, sëbashku me Ferdinand Ibrahimin kanë negociuar me Veliajn dhe nënkryetarin e Bashkisë, Arbjan Maznikun, për të rritjen e çmimit të urbanëve. Ky fakt dëshmohet edhe në videon e mëposhtme, ku Vrapi shfaqet në krah të Ferdinand Ibrahimit. Edhe ky i fundit, i denoncuar dje nga citynews, është një nga sponsorët e Partisë Socialiste dhe fushatës së Erion Veliajt në zgjedhjet vendore të vitit 2015./citynews

VIDEO

 





Lajmet e fundit nga