web counter
LEXO PA REKLAMA!

SHKARKO APP

App Store
Google Play

PD çon Kushtetuese ligjin e pronave/ Tabaku-Bylykbashi: Do ta shfuqizojmë në çdo rast, antikushtetues

29 Shkurt 2016, 12:33, Aktualitet CNA

Deputetët e Partisë Demokratike, Jorida Tabaku dhe Oerd Bylykbashi, kanë dërguar në Gjykatën Kushtetuese ligjin për Kthimin dhe Kompensimin e Pronave, i cili u miratua në parlament me votat e mazhorcanës. Pasi dorëzuan ankimimin për këtë ligj, Tabaku e Bylykbashi janë shprehur se ky është një proces me rëndësi për mbrojtjen e të drejtës së pronës.

Deputeti Bylykbashi tha se Partia Demokratike do ta shfuqizojë atë në cdo rast.

 ?Çështja që PD fokuson qartë në këtë kërkesë, është se nuk mund të pranojmë në asnjë mënyrë që me këtë ligj të ndodhë gjithçka e papranueshme, rishpronësimi i pronarëve. Ky është një rast flagrant, dhe ne këtë nuk do ta lejojmë në asnjë moment. Me këtë ligj cënohet siguria juridike e të gjithë pronarëve para ligjit. Në emër të PD në parlament këtë e kemi bërë të qartë, dhe tashmë këtë kërkesë e kemi depozituar edhe në Gjykatë. E rëndësishme është se ish-pronarët janë shtyllë identiteti në PD. Jam i bindur se gjykata do ta shfuqizojë. Por në çdo rast PD do të shfuqizojë këtë ligj, dhe do të hartojë një ligj të ri?, tha Bylykbashi.

Sipas deputetes Jorida Tabaku , ky ligj është antikushtetues dhe cënon parimin e sigurisë juridike për ish-pronarët.

?Kemi kaluar një proces të gjatë konsultimi, mbledhje mendimesh, dhe kemi arritur në hapin e depozitimit të kërkesës në Gjykatën Kushtetuese. Ky ligj është antikushtetues, dhe cënon parimin e sigurisë juridike. Ky ligj bie ndesh me një sërë vendimesh, dhe cënon disa parime. Ne kemi mbledhur mendimet e grupeve të interesit, duke gjykuar se prona është një nga të drejtat bazë të njeriut. Ky ligj vetëm sa do ta vonojë kthimin dhe kompensimin e pronës?, tha Tabaku.





Lajmet e fundit nga