web counter
LEXO PA REKLAMA!

SHKARKO APP

App Store
Google Play

E fundit!

x

Investimet e huaja direkte bien me 11% më 2015

29 Shkurt 2016, 10:06, Aktualitet CNA

Sipas projeksioneve të FMN parashikohet një rritje e lehtë e flukseve të investimeve të huaja për vitet 2016 dhe 2017 për shkak të kulmit të punimeve në dy veprat e mëdha, Gazsjellësi Trans Adriatik dhe projektet e hidrocentraleve të kompanisë Statkraft në Devoll. Për pasojë Fondi parashikon rritje të hyrjeve valutore nga investimet me 19 për qind këtë vit dhe vitin tjetër me 4.5%. Ndërsa pritet që kurba e investimeve ti kthehet rënies në vitet 2018-2019.

Ndërsa hidrokarburet kanë qenë sektori që kanë kontribuar më shumë në rritjen e investimeve të huaja deri tani, duke përbërë më shumë se 50% të investimeve, pesha e tyre rezulton në zvogëlim, si rrjedhojë e rënies së çmimeve të naftës, që i ka bërë sipërmarrjet më pak të interesuara për të realizuar investime kapitale.

Sipas analizës që ka bërë Banka e Shqipërisë në tremujorin e tretë, investimet, për herë të parë në vitet e fundit, kryesohen nga energjetika, kryesisht hidrocentralet, ku ndikimin më të madh vlerësohet ta ketë dhënë Devolli Hydropower.

Sipas Bankës së Shqipërisë, prurjet në formën e investimeve direkte gjatë kësaj periudhe kanë ardhur nga sektori i energjetikës me rreth 61%, ai i hidrokarbureve me rreth 21%, të ndjekur nga sektori bankar dhe i telekomunikacionit, që kanë tërhequr përkatësisht 8% dhe 2% të flukseve hyrëse të investimeve të Huaja Direkte./Monitor

Burimi: Ministria e Financave; Banka e Shqipërisë; donatoret  dhe te dhënat dhe projeksionet e FMN-se





Lajmet e fundit nga