Gjyqtari Stavri Kallço fiton betejën me gazetën Panorama/ Sulmi ishte mashtrim publik

1 Mars 2016, 08:23, Aktualitet CNA

Gjyqtari i Apelit në Korçë, Stavri Kallço, u sulmua për një vendim që ishte në disfavor të pronarit të gazetës ?Panorama? Ifran Hysenbelliu.

Citynews në atë kohe mbështeti publikisht gjykatësin duke sqaruar gjithçka në lidhje me çështjen dhe zbardhi arsyet e vërteta të sulmit. Më tej çështja i kaloi KLD-së që ka shqyrtuar dokumentacionin e plotë. Sipas raportit përfundimtar gjyqtari Stavri Kallço nuk rezulton të ketë kryer shkelje.

Gjithçka mesa duket ishte një sulm për ti prishur imazhin gjykatësit apo për ti bërë presion atij për një vendim që Kallço nuk e dha në favor të pronarit të gazetës Panorama, Irfan Hysenbelliu.

Ky inspektim vërteton edhe njëherë gjithçka ka thënë citynews, por fatkeqësisht nxjerr në dritë një të vërtetë të dhimbshme, abuzimin dhe keq përdorimin e medias për interesa klienteliste.

Ja raporti i plotë

Bazuar në vendimin e datës 15.01.2016 të KLD-së, në urdhrin nr.599, datë 21.01.2016 të Ministrit të Drejtësisë dhe në urdhrin nr.02, datë 21.01.2016 të Kryeinspektores të KLD-së, u krye inspektimi i veprimtarisë së gjyqtarit të Gjykatës së Apelit Korçë, Stavri Kallço. Inspektimi pati në objektin e tij verifikimin e ankesës së bërë publike nga disa media të shkruara dhe audio-vizive për mosrespektim formal të ligjit dhe kryerjes së detyrës në papajtueshmëri me funksionin e gjyqtarit nga ana e gjyqtarit Stavri Kallço, gjatë gjykimit prej tij të dy çështjeve gjyqësore e konkretisht:

i. Çështja civile që i përket paditësit shoqëria ?Sigma Interalbanian Vienna Insurance Group? sh.a kundër të paditurit Astrit Kolonjari, që është gjykuar nga Gjykata e Apelit Korçë, e përbërë prej gjyqtarëve Olsi Xhavella (relator), Stavri Kallço dhe Etleva Temo (anëtarë), e përfunduar me vendimin nr. 101, datë 16.04.2015;

ii. Çështja penale kundër të pandehurve Elton Bregu e Redi Kazerma, e gjykuar nga Gjykata e Apelit Korçë e përbërë prej gjyqtarëve Stavri Kallço (relator), Olsi Xhavella dhe Brunilda Orhani (anëtarë), e përfunduar me vendimin nr. 377, dt. 12.11.2015.

Grupi i inspektimit ka përgatitur e paraqitur sipas procedurës ligjore raportin e Inspektimit, në përfundim të të cilit është konkluduar se:

1.Në veprimtarinë gjyqësore të gjyqtarit Stavri Kallço, të ushtruar në gjykimin e dy çështjeve objekt inspektimi, nuk gjenden elementë të ushtrimit të detyrës në papajtueshmëri me funksionin e gjyqtarit. Si rezultat, nga inspektimi i kryer për veprimtarinë e gjyqtarit Stavri Kallço në gjykimin e dy çështjeve objekt inspektimi, nuk konfigurohen veprime në asnjë prej shkeljeve të disiplinës të listuar në nenin 32 të Ligjit 9877, datë 18.02.2008 ?Për Organizimin e Pushtetit Gjyqësor në Republikën e Shqipërisë?, i ndryshuar.

2. Në veprimtarinë administrative procedurale civile të administratës gjyqësore të Gjykatës së Apelit Korçë nuk rezultuan shkelje ligjore.

3. Pretendimet për ligjshmërinë e vendimit gjyqësor civil Nr. 101, datë 16.04.2015 të dhënë nga Gjykata e Apelit Korçë me relator Olsi Xhavella dhe anëtarë Etleva Temo e Stavri Kallço do të zgjidhen nga Gjykata e Lartë.

4. Pretendimet për Ligjshmërinë e vendimit gjyqësor penal me nr. 377 datë 26.11.2015 të dhënë nga Gjykata e Apelit Korçë me relator Stavri Kallçon dhe anëtarë Olsi Xhavella e Brunilda Orhani do të zgjidhen nga Gjykata e Lartë.