E fundit!

21:44 Politikë

Kërkesat e protestuesve/ Klosi “ia pason” opozitës: Kanë krijuar vakuum politik, qytetarët nuk përfaqësohen

Sekretari i Përgjithshëm i Partisë Socialiste, Blendi Klos...

Vrasja e Ervis Zybës/ Zbardhen motivet dhe autorët e vrasjes

26 Shkurt 2016, 14:05, Kronika CNA

Policia ka zbardhur versionin e plotë të motiveve të vrasjes të shtetasit Ervis Zyba në Laç. Burime nga policia thanë se janë arrestuar dy shtetas, ndërsa dy të tjerë janë shpallur në kërkim. Sipas policisë, vrasja ka ndodhur pas një konflikti me motive të dobëta.

Ngjarja

Shtetasit Xhevahir Lika dhe shtetasi Elgert Cara ishin të përfshirë në një konflikt për motive të dobëta , që para rreth nje viti. Viktima Ervis Zyba ishte shok i shtetasit Xhevahir Lika, dhe të dy së bashku kanë shkuar në lokalin e natës “Qershia” , në lagjen Nr.6 Kurbin, lokal në të cilin kishte muzikë live.

Pasi kanë qëndruar rreth katër orë në këtë lokal, të dy shtetasit e lartpërmendur kanë dalë nga lokali rreth orës 01:30 dhe kanë hipur në automjetin e tyre të markës Mercedez Benz me targa AA898MR.

Në atë moment tek mjeti, janë afruar shtetasit Elgert Cara dhe Dorjan Cara, të cilët janë konfliktuar me shtetasin Xhevahir Lika. Të dy palët kanë qenë të armatosur dhe në debat e sipër , shtetasi Elgert Cara ka qëlluar me armë automatike, ndërsa shtetasi Dorjan Cara ka qëlluar me armë zjarri pistoletë në drejtim të mjetit ku ishin Xhevahir Lika dhe viktima Ervis Zyba.

Shtetasi Xhevahir Lika është kundër përgjigjur me armë zjarri pistoletë. Nga shkëmbimi i zjarrit ka mbetur i vrarë shtetasi Ervis Zyba, 20 vjeç, lindur dhe banues në Gjorme të Bashkisë Kurbin.

Në lidhje me këtë ngjarje janë arrestuar në flagrancë shtetasit : Xhevahir Lika, 21 vjeç, banues në Gjorme – Kurbin për veprën penale ” Prodhim dhe mbajtje pa leje te armëve luftarake e municionit “. Drilon Leka 27 vjeç, banues në Shullaz – Kurbin për veprën penale “Moskallëzim krimi” parashikuar nga neni 300 i Kodit Penal.

Gjithashtu u shpallën në kërkim shtetasit : Elgert Cara, 19 vjeç, banues në Zheje – Kurbin si i dyshuar për kryerjen e veprës penale të “Vrasjes me paramendim e kryer në bashkëpunim” dhe ” Prodhim dhe mbajtje pa leje të armëve luftarake dhe municionit” ,. Dorjan Cara, 25 vjeç, banues në Zheje – Kurbin si i dyshuar për kryerjen e veprës penale të “Vrasjes me paramendim e kryer në bashkëpunim” dhe ” Prodhim dhe mbajtje pa leje të armëve luftarake dhe municionit” .