Masakra e Elbasanit/ Ekspertët nuk gjejnë gjurmë gishtash në 3 armët e krimit

23 Shkurt 2016, 20:12, Kronika CNA

Ekspertët e laboratorit shkencor nuk kanë gjetur asnjë gjurmë gishtash në tre armët që u përdorën në vrasjen e trefishtë mbrëmjen e 3 shkurtit në Elbasanit. As kamerat e sigurisë në objektet rreth lokalit ku ndodhi ngjarja nuk kanë fiksuar asnjë detaj të rëndësishëm për hetimin, ndërsa dëshmitarët kanë deklaruar se nuk i kanë njohur atentatorët. Të gjitha këto sipas burimeve nga grupi hetimor çojnë në përfundimin se masakra është kryer nga vrasës profesionistë.

Rreth tre javë nga ngjarja e rëndë e ndodhur ne Elbasan, ku u vranë tre persona dhe u plagosen tete te tjere policia dhe Prokuroria nuk kanë asnjë provë ku të bazohen për ta zbardhur atë.

Policia shkencore nuk ka gjetur asnjë gjurmë gishtash në tre armët që u gjetën pranë vendit të ngjarjes. Burime nga grupi hetimor bëjnë të ditur se të trija këto armë janë përdorur por në asnjë prej kallashnikovëve nuk është konstatuar gjurmë gishtash. Çka tregon se autorët mund të jenë vrasës me pagesë, që janë kujdesur të mos lënë asnjë gjurmë.

As kqyrja e kamerave të objekteve përreth lokalit nuk kanë sjellë asnjë të re për hetimin. Në pamjet e regjistruara prej tyre duken lëvizjet e makinës së autorëve, por nuk mund të shquhet asgjë më shumë.

Një tjetër shpresë e grupit hetimor për të ndihmuar në zbardhjen e ngjarjes së rëndë ishte dëshmia e të plagosurve, por burimet bëjnë të ditur për Ora News se asnjë prej tyre nuk kanë dhene ndonjë detaj duke pretenduar se nuk i kanë njohur autorët pasi ata kanë qënë të maskuar.

Ngjarja e rëndë ndodhi mbrëmjen e 3 shkurtit. Sipas deshmitarëve agresorët kanë qenë me kapuç dhe dorashka çka i ka mbrojtur ata nga gjurmët që mund të kishin lënë në armët krimit, të cilat janë gjetur dy në lokalin ku ndodhi ngjarja dhe arma e trete vetëm 500 metra larg .

Policia vuri si shperblim per informatorët shumen 3 milionë lekesh por deri tani duket se zbardhja e saj do të jetë e vështire. Nderkohe pjesa më e madhe e të plagosurve kanë lënë Spitalin e Traumes ku u sollen menjehere pas ngjarjen ndërkohë janë ende dukë u kuruar vëtëm dy prej tyre të cilët kishin plagë më te rënda./Ora