E fundit!

20:38 Aktualitet

Përballë Nokës për postin e Sekretarit të Përgjithshëm të PD-së/ Korreshi: Ja kur e mora vendimin për të garuar

Deputeti Saimir Korreshi është vendosur përballë Flamur No...

Shoqëria civile: Joserioze ftesa e Veliajt për takim

25 Shkurt 2016, 18:21, Aktualitet CNA

Përfaqësuesit e Nismës ?Për Publiken? janë shprehur se ftesa e Kryebashkiakut Erion Veliaj për një takim lidhur me projektin që do të betonizojë Parkun e Liqenit Kombëtar është joserioze. Përmes një komunikate publike, organizata në fjalë deklaron se ftesa është dërguar sot paradite për sot pasdite në orën 16.00.

KOMUNIKATA E PLOTË

Drejtuar Kryetarit të Bashkisë Tiranë, Z. Erion Veliaj

Përshëndetje!

Ne, përfaqësuesit e Nismës ?Për Publiken?, organizatorë të protestave për ndalimin e projektit të ndërtimit të ?Këndit të Lojërave? në zonën A (të mbrojtur) të Parkut të Liqenit Artificial, kemi marrë sot paradite një ftesë zyrtare nga ju për një takim pranë Këshillit Bashkiak. Ne e vlerësojmë si ftesë dhe e shohim si shenjë të njëfarë normalizimi në raportet e komunikimit me aktivistë nga shoqëria civile. Problemi është se kjo ftesë e dërguar në këtë mënyrë, sot paradite për sot pasdite në orën 16.00, nuk është serioze, aq më tepër kur vetëm një ditë më parë kemi bërë publike në faqet tona online në rrjete sociale, një kornizë, se si mund të zhvillohej një takim me komunikim të shëndetshëm, për ne, dhe sidomos për publikun.

Ne kemi kërkuar që:

1. Ju, Kryetari i Bashkisë Tiranë Z. Erion Veliaj të kërkoni ndjesë publike, për anatemimet që janë bërë përkundrejt nesh.

2. Takimi të jetë publik, dhe të ndërtohet në formë debati mes tij dhe ekspertëve të Bashkisë , dhe ekspertëve të shoqërisë civile nga krahu tjetër.

3. Të ketë një axhendë të negociuar nga të dyja palët, me fokus kryesor çështjen e ?Këndit të Lojërave? te Liqeni.

4. Takimi të jetë publik, dhe në prani të publikut, qoftë dhe Këshilli i Bashkisë, çka do të kërkonte disa ditë për një organizim sa më të mirë.

Këto ne i kemi kërkuar një ditë më parë, dhe shikojmë se Bashkia nuk u është përgjigjur këtyre kërkesave. Për pasojë, ne nuk mund të jemi pjesë e takimit të sotëm, por e lëmë portën e hapur për një takim sa më të shpejtë brenda kornizës së paraqitur më lart. Nëse nuk ka një reflektim të Bashkisë për këto kërkesa, qëndresa do të vazhdojë, derisa situata të zgjidhet në tavolinën e diskutimit, çka në fakt është dhe interesi i të gjithëve. Me shumë respekt, Përfaqësuesit e Nismës ?Për Publiken? Tiranë, më 25 Shkurt 2016 (në foto, mbledhje e zhvilluar para 1 ore në Sallën e Këshillit Bashkiak, ku nuk kishte asnjë nga ata që u ndeshën me policinë)