web counter
LEXO PA REKLAMA!

SHKARKO APP

App Store
Google Play

Dy fjalë për një sulm kibernetik

25 Shkurt 2016, 11:24, Aktualitet CNA

Portali citynews.al është sulmuar mbrëmë pas mesnate dhe për disa orë sot në mëngjes ka qenë totalisht jashtë funksionit. Sipas të dhënave të marra nga kompania ?MCN?, e cila merret edhe me mirëmbajtjen e portalit tonë, sulmi ka ndodhur pas mesnate dhe kjo ka bërë që portali të jetë jashtë funksionit.

Faqja është rikthyer në punë, por jo në kapacitete të plota për shkak se specialistët ende po vazhdojnë të punojnë, të cilët duam di falenderojmë publikisht për punën e tyre të bërë në mënyrë të shkëlqyer.

Citynews.al sulmohet në një moment, kur prej disa kohësh po vazhdon të jetë një nga faqet më të klikuara në vend, për shkak të lajmeve dhe informacioneve ekskluzive dhe denoncimeve që publikon.

Për këtë sulm të ndodhur, nga specialistët kemi marrë të gjitha të dhënat dhe kemi identifikuar origjinën e sulmit kibernetik, i cili në fakt është një krim që tashmë po hetohet nga organet kompetente pas kallëzimit penal të bërë prej nesh.

Ju kërkojmë ndjesë për shkëputjen disa orëshe dhe theksojmë se këto sulme tregojnë se faqja jonë shqetëson ata që denoncohen në këtë faqe, në pushtet apo opozitë, oligarkë, biznesmenë, botues mediash apo pronarë të ndryshëm. Ne do vazhdojmë të jemi edhe më aktiv me denoncimet tona dhe lajmet ekskluzive, ky sulm thjesht na inkurajon. Në mënyrë të veçantë duam të falenderojmë të gjithë ndjekësit të cilët na besojnë duke lexuar informacionet tona në portal, por edhe në rrjetet sociale.

Stafi i citynews.al





Lajmet e fundit nga