E fundit!

22:46 Aktualitet

Deklarata e Paunoviç/ Sveçla: Nuk është personale, reflekton qëndrim të Serbisë

Ministri i Brendshëm në Kosovë, Xhelal Sveçla ka folur mbr...

Veliaj kërkon takim me shoqërinë civile/ Të ndalen punimet për betonizimin e liqenit

24 Shkurt 2016, 23:09, Aktualitet CNA

Në një deklaratë për mediat, grupimi “Qytetarët për Parkun” shprehen se në mënyrë jozyrtare, iu është kërkuar një takim me Kryebashkiakun Erion Veliaj. Ata shprehen se do të kërkojnë ndalimin e punimeve për betonizimin e liqenit, ndërsa shtojnë se Veliaj duhet të kërkojë ndjesë për ofendimin që iu ka bërë protestuesve, duke i konsideruar “vandalë”.

Deklarata e grupimit “Qytetarët për Parkun”

Sot, aktivistëve organizatorë të protestës qytetare në mbrojtje të Parkut të Liqenit, u është komunikuar në mënyre informale kërkesa për të realizuar takim me kryetarin, Z. Erion Veliaj, pranë Bashkisë së Tiranës. Ne i qëndrojmë zotimit tonë për të mbrojtur këtë pasuri publike nga tjetërsimi dhe degradimi i mundshëm prej një projekti të dyshimtë, që po vihet në jetë në errësirë informative dhe pa pëlqimin e qytetarëve. Ne besojmë te demokracia e drejtpërdrejt, dialogu dhe gjithëpërfshirja, e për rrjedhojë refuzojmë t?i përgjigjemi një kërkese që kanalizohet në rrugë komunikimi informale dhe takime që realizohen si dëgjesa me të përzgjedhur brenda katër muresh. Ne aktivistë dhe qytetarë të ndërgjegjshëm, të bashkuar rreth kauzës publike, jemi të hapur për të marrë pjesë e diskutuar në lidhje me këtë projekt në një debat të gjerë publik pranë Parkut të Liqenit, aty ku po zhvillohet dhe krimi më i fundit prej politikës së shurdhët dhe oportuniste. Duke shpresuar që kryetari Veliaj të mos shqetësohet nga përballja në debat me vandalë, kërkojmë të pezullohen punimet ndërkohë që zhvillohen debatet dhe konsultimet dhe që ftesa, njëlloj si takimi, të jetë publike dhe e hapur për të gjitha grupet e interesit dhe mediat.

1. Të kërkojë ndjesë publike për emërtimin vandalët. 2. Dialogu të bëhet publikisht në media dhe me prani të publikut, në ambjent publik tek Parku i Liqenit. 3. Përgjatë kësaj kohe të ndalohen punimet. 4. Të ketë një debat dhe në nivel ekspertësh, me axhendë të negociuar.

#PerParqet #PerShoqerine!