web counter
LEXO PA REKLAMA!

SHKARKO APP

App Store
Google Play

Fjalë Korcës!!! Nga Elton Dono

23 Shkurt 2016, 19:09, Opinione CNA

elton donoNdoshta shumëkush nuk do të të quante të plakur, të thinjur, të rrudhur nga mosha, koha e ikur.
Por unë të shoh të lodhur e dashur! Ah sa të lodhur!

Ti nuk ke asgjë jetësore. Ti rron me ca kacidhe pensionesh qesharake. Jeton me barkun bosh të lypësve, me heshtjen e ndërgjegjen e vrarë të njerëzve të ndershëm. S?ke asgjë vec të shkuarës e kujtimeve. E ke vrarë rininë, e vetë je fajtore. Je kthyer në qytet arkivolesh, magjish, feje.
Mburresh e pacipe me Lëndinën e Loteve, ku përcjell mjerane, fëmijet e tu. Percillje, e pret. Flak. E shkarë.

Nuk ofron asgjë vec hicit. Dembele.
Je e qetë, e vragur, e rrudhur, hallemadhe. Nënë e keqe. Mallin ke simbol. Je shkretetirë papunësie. Ofron pranga mentaliteti, vret celjen e luleve të tua më të mira. E destinuar të vajtosh. Vajtojcë.

Zgjohesh pa qëllime. Je e ftohtë. S?ke fuqi. Të ka vdekur shpresa e numëron ditët. Mbahesh me serume. Do të sfidosh ligjet e jetës. Harroje! Mungesa e ajrit, plakja ka veç një fund. Kot lodhesh.

Je qyteti i ikjes. Basteve. Paragjykimeve. Merr frymë në një turn. Nje stinë. Pa buzëqeshje. Bie në gjumë letargjik, deri sa të prekësh zemrat e të ikurve, t?i brengosesh e mallëngjesh, se ata duhet te ndihen të detyruar ndaj teje të kthejne kokën pas.
Por cfare u dhe ti valle vec shkelmit?

C?të ka mbetur vallë nga krenaria e një të shkuare pa të ardhme?

Elitat e tua janë provinciale, të mykura nga mbiemrat e shtrati i shëmtuar politik ku prehen prej kohësh të dehura nga pasja. Llumi ka ngritur krye, të ka pushtuar të gjithën, te ka marrë erzin pa rrugëdalje.

Ti vyshkesh, por jeton me iluzionin e bukurisë. Qetësi arkivoli të përndjek. Cektësi.
Ndriçohesh nga kandili i ca fenerëve të shkapërndarë në atë pseudo pedonale. Por ti mund të jesh më tepër se një shëtitore.

Ngri krye e dashur, para se të jetë tepër vonë. Bëj dhe një përpjekje. Çohu nga shtrati ku po mykesh. Maska s?ti fsheh dot rrudhat, e brendësinë e kalbur. Dy rrugë kandilësh të lodhur, s?ndritin dot errësirën e dhjetrave.

Të flas se të dua!
Oh sa të dua!





10:15 Opinione

Me nonë e motër

Nga Enkel DemiNë Kuvendin e Shqipërisë të enjten ka patur nj...

Lajmet e fundit nga