web counter
LEXO PA REKLAMA!

SHKARKO APP

App Store
Google Play

E fundit!

x

25 vjetori i rrëzimit të bustit të diktatorit/ PD mbyllet në muze

20 Shkurt 2016, 13:42, Aktualitet CNA

Sot, Partia Demokratike ka vazhduar axhendën e saj të takimeve në lidhje me 25 vjetorin e rrëzimit të bustit të diktatorit Enver Hoxha.

Një axhendë që ishte përgatitur disa ditë më parë si rrallë herë më parë. Në këtë vit jubilar, 25 vjetori i rrëzimit të bustit mund të shoqërohej me një protestë përpara kryeministrisë, në një kohë kur vetë opozita akuzon kreun e qeverisë Rama se po sillet si diktatori hoxha dhe se ka rehabilituar figurën e tij. Por kjo gjë nuk ndodhi. Sot, të gjithë shqiptarët mund të kishin një motiv më shumë për të protestuar kundër qeverisë për dhjetra arsye ekonomike dhe një politike siç është rrëzimi i sistemit diktatorial të Enver Hoxhës. Partia Demokratike, sot nuk protestoi.

Kreu i ri demokrat, Lulzim Basha, nuk zgjodhi të ishte në shesh me qytetarët, por u fut në muze në përkujtimin e një dite simbolike. Në një muze që kishte njerëz po aq sa ckishte deputeti Ben Blushi në takimin e tij elektoral në Korçë. Fatkeqësisht shumë pak për një ditë historike si 20 shkurti.

Lulzim Basha në këtë aktivitet ishte i braktisur nga lideri historik i Partisë Demokratike, Sali Berisha, nga ish kryetarja e Kuvendit, Jozefina Topalli, nga ish sekretari i Përgjithshëm, Ridvan Bode, nga ai organizativ, Flamur Noka, si dhe nga persona të tjerë me kontribute në PD dhe në rrëzimin e diktaturës. Një braktisje që tregon diferencën midis faktit se si duhej përkujtuar 20 shkurti i vitit 1991 dhe meselerave të treguara në një muze që janë thjesht një veprim sa për të kaluar radhën./citynews





Lajmet e fundit nga