E fundit!

16:41 Aktualitet

Marshim dhe thirrje kundër qeverisë/ Mbahet sot protesta e 45-të në Tiranë

Ditën e sotme mbahet protesta e 45-të qytetare kundër qeve...

Nishani i kërkon SHISH-it informacion për dy ministrat e rinj

20 Shkurt 2016, 07:23, Aktualitet CNA

Ndryshimet e fundit në qeveri e kanë futur vendin në një krizë institucionale. Presidenti i Republikës, Bujar Nishani, ka firmosur shkarkimin e Shkëlqim Canit dhe Arben Ahemtaj, por nuk ka dekretuar emërimin e ministrave të rinj. Nga ana tjetër, shefi i qeverisë Edi Rama ka bllokuar votimin në Parlament të dy dekreteve të Bujar Nishanit, për shkarkimin e dy ministrave. Sipas gazetës si?Sot? kjo bëhet me qëllim për të lënë një shteg hapur, për rikthimin e Canit dhe Ahmetajt në postet që ishin, gjithnjë nëse Nishani nuk i dekreton dy emërimet në fjalë.

Burime nga Presidenca thanë se kreu i shtetit nuk do të ngutet në këtë çështje, pra nuk do të bëhet noter i qeverisë, duke firmosur çdo propozim të kryeministrit. Në këtë kuadër, kreu i shtetit, Bujar Nishani, ka vënë në lëvizje institucionet ligjzbatuese dhe informative, për të verifikuar të kaluarën e dy ministrave në fjalë. Sipas burimeve, ditën e djeshme, kreu i shtetit ka zhvilluar një takim konsultativ me shefin e Shërbimit Informativ Shtetëror, Visho Ajazi Lika, për t?u informuar rreth veprimtarisë së dy kandidatëve të propozuar nga Edi Rama, për postin e ministrit të Financave dhe ministrit të Ekonomisë. Edhe se Nishani e ka deklaruar një herë Arben Ahmetajn si ministër të Ekonomisë, kreu i shtetit duket se ka dyshime të forta, sidomos pas publikimit të 17 udhëtimeve të dyshimta me charter të Ahmetajt, raporton gazeta Sot

Nga ana tjetër, Milva Ekonomi do t?i nënshtrohet gjithashtu një verifikimi, para se Presidenti të vendosë për fatin e saj. Në këtë kuadër, kreu i shtetit i ka kërkuar një informacion të detajuar kreu të spiunazhit shqiptar, Visho Lika. Edhe pse muajt e fundit ka pasur një afrim të Visho Likës me kryeministrin Rama, me ndërhyrjen e amerikanëve, Nishani duket se nuk e ka humbur besimin tek njeriu që e dekretoi në krye të SHISH sapo mori detyrën e Presidentit të Republikës. Raporti i kreut të SHISH pritet të jetë përcaktues sa i takon vendimit të Nishanit për të dekretuar Ahmetajn dhe Ikonomin në krye të dy degëve më të rëndësishme të qeverisë.