web counter
LEXO PA REKLAMA!

SHKARKO APP

App Store
Google Play

E fundit!

x

Kriza për dekretimin e ministrave të rinj/ Juristët: Po vjen skenari “Nano”

20 Shkurt 2016, 08:27, Aktualitet CNA

Presidenti i Republikës, Bujar Nishani, nuk ka dekretuar emërimin e Arben Ahmetaj dhe Milva Ekonomit në ministritë e Financave dhe të Ekonomisë.  Institucioni i Presidencës është shprehur se ndodhet brenda çdo ligji, pasi ka ende afat për t?u shprehur, ndërsa qeveria e sheh të paprecedentë faktin që Nishani dekretoi Shkarkimin e Shkëlqim Canit dhe Arben Ahmetajt dhe nuk dekretoi emërimet.

Të kontaktuar nga gazeta ?Sot?, një grup juristësh janë shprehur se vendi po shkon drejt një skenari të përsëritur në qeverinë ?Nano?.

Juristi dhe një herësh ish-kreu i Komisionit Qendror të Zgjedhjeve, Kristaq Kume, ka thënë se nuk është hera e parë që një President në vend nuk firmos emërimin e ministrave. ?Nuk është situatë e paprecedentë në Shqipëri. Kemi parasysh vitet e shkuara, ku qeveria ?Nano? ka funksionuar pa ministra, vetëm me zëvendësministra. Në mos gaboj, kanë qenë 3 ministri dhe kanë funksionuar kështu për disa muaj me radhë. Nuk është gjë normale, por shpresoj që të mos ndodhemi përpara së njëjtës situatë, të qëllimshme të atëhershme. Ashtu siç është shprehur zyra e Presidentit, ai pret miratimin e dekretit për shkarkimin që të bëjë pastaj emërimin?, tha ai

Edhe juristi i njohur Saimir Vishaj, tha se nga ana Kushtetuese emrat duhet të dekretohen, ndryshe do të ndodhë ajo që ndodhi në qeverinë ?Nano?. ?Nuk është një gjë e re në Shqipëri. Presidenti çdo propozim duhet që ta dekretojë. Edhe në kohën kur kryeministër ka qenë Fatos Nano, kryeministri i asaj kohe ka qeverisur pa ministra për 6 muaj. Pra nuk ka asnjë problem, qeveria do vazhdojë punën do apo nuk do Presidenti. Mjafton të mos jetë lojë politike, sepse në lojë institucionale dhe Kushtetuese duhet ë t?i miratojë?, u shpreh Vishaj





Lajmet e fundit nga