web counter
LEXO PA REKLAMA!

SHKARKO APP

App Store
Google Play

Ngjela: Meta, pas vizitës së Kerrit duhet të largohet

18 Shkurt 2016, 18:34, Aktualitet CNA

Avokati Spartak Ngjela shprehet se Kryeparlamentari Ilir Meta duhet të largohet nga skena e politikës pas vizitës së Sekretarit amerikan të Shtetit John Kerry. Përmes një statusi në rrjetin social Facebook, Ngjela shkruan se sado që mbrojtësit e Metës e konsideruan mospërfilljen e Kerrit ndaj Metës një gjë protokollare, gjithkush ka pyetur: si ka mundësi që Sekretari amerikan i Shtetit, pasi foli gjithë kohës për Reformën në Drejtësi, dhe, pasi dihet që ajo do të miratohet në Parlament, nuk takoi Kryetarin e Parlamentit shqiptar?

Qëndrimi nga avokati Spartak Ngjela

“Heronjtë” e korrupsionit shqiptar duken të lodhur, me sakte, janë të trembur.
Sado që mbrojtësit e Metës e konsideruan mospërfilljen e Xhon Kerrit ndaj Metës një gjë protokollare, gjithkush ka pyetur: si ka mundësi që Sekretari amerikan i Shtetit, pasi foli gjithë kohës për Reformën në Drejtësi, dhe, pasi dihet që ajo do të miratohet në Parlament, nuk takoi Kryetarin e Parlamentit shqiptar?
Kjo është logjika e këtij fakti. Atëherë kuptohet se Meta është i papranueshëm për politikën amerikane. Të njëjtën tregoi edhe Zëri i Amerikes në diskreditimin e plotë që i bëri disa muaj më parë.
Atëherë, çrarë pret ky njeri i korruptuar, pse nuk ikën? Nuk e kupton ky dhe, bashkë në të, edhe Sali Berisha, që te dy janë të papranueshëm politikisht nga politika amerikane, dhe pengojnë zhvillimin shqiptar me pengesën që i bejnë Reformës?
Ky është ngerçi aktuale i shiqerise shqiptare, sepse reformë antikorrupsion është reformë kundër Metës dhe Berishës. Por, sidomos Meta, pas vizitës së Kerrit duhet të largohet. Pse, vërtet mendojnë këta se mund të marrin më vete Shqipërinë drejt Lindjes…siç bëri Enver Hoxha kur i kërkuan reformë antistaliniane ne Shqipëri? Çmenduri.
Reforma do të bëhet dhe korrupsioni do ndëshkohet. Intrasigjenca Meta është në dëm të tij, por edhe në dëm të shqiptarëve. Por, pasi shqiptarët të llogarisin dëmin që Meta u ka sjellë me këtë akt banditesk, pozita e tij do jete shume me e rënduar.





Lajmet e fundit nga