web counter
LEXO PA REKLAMA!

SHKARKO APP

App Store
Google Play

E fundit!

x

PS zgjedh për kandidat shkaktarin e një viktime dhe të akuzuarin për korrupsion

18 Shkurt 2016, 10:55, Aktualitet CNA

Partia Socialiste po kryhen procedurat e fundit për zgjedhjen e delegatëve, kryetarëve të organizatave dhe të degëve përpara zhvillimit të Kongresit që do të mbahet më datë 19 mars.

Citynews ka mësuar se PS-ja ka zgjedhur si kandidat për Librazhdin, një person i cili ka shkaktuar një viktimë pas një aksidenti automobilistik. Bëhet fjalë për Sokol Skurën, ish zëvendësdrejtorin e Përgjithshëm të Fondit të Sigurimeve të Detyrueshme të Kujdesit Shëndetësor. Në shtator të 2015, Skura ka aksidentuar për vdekje 17-vjeçarin Taulant Kalia në aksin Elbasan-Librazhd. Në atë kohë, Skura u arrestua nga policia, por mesa duket, sot ai është i lirë dhe kandidon për kreun e PS-së në Librazhd. Megjithatë, pjesa e aksidentit është normale.

Por,  në një kërkim që citynews bëri për Sokol Skurën, rezulton se ai është i përfshirë në një skandal për vjedhjen e barnave me rimburësim. Për këtë arsye emri i Skurës gjendej në raportin e departamentit e antikorropsionit të Këshillit të Ministrave. Sipas raportit, farmacitë e bashkëshortes dhe kunatës së Sokol Skurës, renditen ndër falsifikatorët me recetat fiktive. Ndërkohë, citynews mësoi se Sokol Skura vijon të hap farmaci të reja, edhe pse ai është i implikuar në skandale për vjedhjen e barnave dhe të falsifikimit me recetat fiktive.

 

Skura ka qenë kandidat për deputet në vitin 2013, por pa arritur të zërë një vend në karriget e parlamentit. Gjithashtu, në vitin 2015, ai u përfol shpesh si kandidat për Bashkinë e Librazhdit. Ligji i dekriminalizimit përjashton vetëm personat e dënuar nga drejtësia por në rastin konkret, Partia Socialiste vijon të promovojë persona të akuzuar për skandale, sic është kandidati për kreun e Librazhdit, Sokol Skura./citynews





22:35 Aktualitet

Erosi i Ali Pashës

Ndoshta askush nuk e kishte menduar që pas diplomatit dhe nj...

Lajmet e fundit nga