web counter
LEXO PA REKLAMA!

SHKARKO APP

App Store
Google Play

Kuvend/ Debati Berisha-Ahmetaj

18 Shkurt 2016, 13:43, Politikë CNA

Ish kryeministri i vendit, Sali Berisha, ka komentuar ndryshimet e fundit në qeveri dhe ka akuzuar ministrin e ri të Financave Arben Ahmetaj, të emëruar dy ditë më parë. Berisha tha se shkarkimi i Canit lidhet me kudnërshtimin për koncesionin e TVSH-së, ndërsa tha se në vitin 2005, Ahmetaj ka kërkuar azil politik.

?Në mandatin e parë si zv.ministër vodhe mbi 800 impulse në telekomunikacion, ti zotëri që je këtu në 2005 si u largove ti nga Shqipëria? E kalove si shkelës kufiri dhe njeriun që e ka shoqëruar me valixhet me euro e ka shoqëruar policia greke. Shkoi në Rumani kërkoi azil politik, ndërhyra që të mos ia jepnin. Pagoi shuma marramendëse dhe e mbylli por s?ka për ta mbyllur kurrë. Atë që s?pranoi ta bëjë Cani, merr misionin për ta bërë një njeri që në jetën e tij nuk ka lexuar qoftë konceptin më elementar të financave. A mund të rrimë në duarkryq para kësaj vjedhjeje? Kërkoj të japësh dorëheqjen e të mos e çosh vendin aty ku nuk duhet të shkojë. Nuk e kalon më kufirin edhe me valixhe, ti nuk mund ta merrje kurrë këtë mision, do i bësh vendit gjëmë të madhe?, i tha Berisha-Ahmetaj

Ndërkohë, i menjëhershëm ka qenë reagimi i ministrit Arben Ahmetaj, i cili tha se nuk ka ndërmend ta fyejë parafolësin, por u shpreh se nëse vërtetohet qoftë edhe një akuzë e vetme, ai do të jepte dorëheqjen.

?Çoji faktet në prokuroi, dhe nëse vërtetohet një firmë kundër ligjit dorëhiqem, dhe betohem për kokën e dy vajzave të mia. I kam të verifikuara të gjitha vizitat e mia zyrtare. Ditën që shkoj në detyrën e ministrit të Financave, do punoj ashtu si kam bërë deri më tani nga mëngjesi në darkë, e padyshim që pranoj edhe ndihmën e atyre që kanë eksperiencë e mund të më japin ndihmë?, u përgjigj Ahmetaj





Lajmet e fundit nga