E fundit!

07:30 Horoskopi

Horoskopi i ditës, e mërkurë 15 korrik 2026

Dashi Ruani qetësinë në marrëdhënie dhe shmangni reagimet...

Mesila Doda: Komunistët në politikë vazhdojnë të shkelin ligjin dhe procedurat parlamentare

9 Shkurt 2016, 13:48, Politikë CNA

Deputetja Mesila Doda, e ka cilësuar një akt të paprecedentë që asnjë nga propozuesit e projektligjit për ?heqjen e dekoratave? nuk është njoftuar sot për ta mbrojtur atë. Nëpërmjet një statusi në rrjetet sociale, Doda shkruan se ky ligj u propozua nga ajo dhe kreu i PDIU, Shpëtim Idrizi, por ata nuk janë njoftuar. Sipas saj komunistët në politikë vazhdojnë të shkelin ligjin.

Postimi i Mesila Dodës

Per komunizmin, krimin, indiferentet dhe pasionantet…

Segmentet e vjetra të komunizmit dhe komunistët në politikë vazhdojnë të shkelin ligjin dhe procedurat parlamentare.

Sot në Komisionin e Sigurisë ka kaluar për shqyrtim projektligji ?Për heqjen e dekoratave, medaljeve dhe titujve të nderit?, i depozituar nga 2 deputete, ish-studentë të dhjetorit, Shpëtim Idrizi dhe Mesila Doda.
Me një akt të paprecedent, askush nga ne propozuesit nuk është njoftuar për të mbrojtur projektligjin e depozituar, duke shkelur e masakruar haptazi procedurat parlamentare dhe duke bërë publike frikën e nostalgjikëve të komunizmit të përballen me të kaluarën e të distancohen publikisht nga kjo e kaluar kriminale.
Këto ditë, pas intervistës së Nexhmije Hoxhës, është bërë sport popullor të thuhet ndonjë fjalë për komunistët që e kanë kapur për fyti këtë vend sot e 75 vjet te shkuara dhe nuk duan as të vdesin e as të sillen njerzisht në dekikun e tyre të fundit. Ndërkohë, ne në ndryshim me pasionantët antikomunistë të minutës së fundit, nuk kemi heshtur asnjë moment, kemi përsëritur e ripërsëritur përgjatë gjithë kësaj kohe nevojën e një dënimi real të së kaluarës dhe këmi ndërmarrë nisma ligjore konkrete për haphen e dosjeve, lustracionin, dekomunistizimin,heqjen e medaljeve dhe titujve të nderit për xhelatët, pasi jemi të bindur që pikëerisht në atë periudhë të pavarrosur kurrë të historisë tonë fshihet amoraliteti më i madh politik e njerzor, qelbi i politikës dhe shoqërisë shqiptare, i pazbuluar e i pashëruar kurrë.
Aksionet tona politike kishin për qëllim të sillnin në vëmendjen e shqiptarve hipokrizinë dhe frikën me të cilën politika shqiptare e sotme ka mbuluar veten. Do të vazhdojmë pa u ndalur asnjë minutë të sjellim për shqiptarët mënyrën e re të përballjes së politikës, atë pa frikë e kompromis ndaj së keqes, politikës së këmbënguljes së përditshme për të evidentuar një krim që e mban të mbërthyer këtë vend në varfëri, krim e mashtrim. Sot në politikën shqiptare është e keqja përballë së mirës. Sejcili individ zgjedh vendin e vet ne ktë pozicionim moral e njerzor.