web counter
LEXO PA REKLAMA!

SHKARKO APP

App Store
Google Play

PD: Fshesa Beqaj ka vetëm një interes, sigurimin e parave për të dhe Ramën

6 Shkurt 2016, 13:29, Politikë CNA

Partia Demokratike ka denoncuar sot largimin nga puna të dhjetra punonjësve të spitaleve në vend. Nëpërmjet një deklarate për shtyp, nëndrejtori i departamentin të shëndetësisë në PD, Gazment Koduzi, th se fshesa e Beqaj ka vetëm një interes, sigurimin e parave për biznesin e tij dhe të Ramës.

Deklarata e Plotë

Kampioni i korrupsionit, Ilir Beqa, po vazhdon fushatën e tij të spastrimit të infermierëve e personelit shëndetësor në rrethe, duke larguar nga puna dhjetra profesionistë që kanë një jetë në shërbim, thjesht e vetëm për të nxjerrë paratë që i duhet të ndajë për koncesionet qindra milionë euroshe të miqve të tij dhe të Edi Ramës.

Nuk ka asnjë studim për shkurtimin e personelit mjekësor dhe jo-mjekësor, asnjë referencë apo analizë, asnjë konsultim. Këto shkurtime bëhen pa transparencë, në mënyrë tinzare.

Dhjetra infermierë e personel të hedhur në rrugë, nga veriu në jug.

30 janë larguar në Mirditë, 90 në Shkodër, 60 në Tepelenë, 49 në Pukë, 36 në Lushnje, 30 në Dibër, dhe priten këto ditë qindra largime të tjera në spialet e vendit.

Fshesa Beqaj, që ka vetëm një interes, sigurimin e parave për biznesin e tij dhe të Ramës në shëndetësi, jo vetëm po shkakton dramë sociale tek profesionistët që flaken në rrugë e tek familjet e tyre, por po degradon më tej gjendjen e spitaleve, duke e bërë të pamundur ofrimin e shërbimeve të specializuara.

Partia Demokratike i dënon me forcë këto masa skandaloze e korruptive.

Ne mbështesim protestën e infermierëve dhe personelit mjekësor dhe i bëjmë thirrje të ngrihen në rezistencë e të mos tërhiqen para kësaj padrejtësie e arrogance të dyshes Rama-Beqa.

Partia Demokratike i siguron këta profesionistë, infermierë, sanitarë e personel shërbimi mjekësor, se do të kthehen në detyrë, e do të rifitojnë dinjitetin e tyre, sapo qytetarët të na japin përgjegjësinë e drejtimit të vendit.

 





Lajmet e fundit nga