web counter
LEXO PA REKLAMA!

SHKARKO APP

E fundit!

x

Berisha: Shqipëria është kthyer në mini Afganistanin e Europës

4 Shkurt 2016, 14:48, Politikë CNA

Ish kryeministri Sali Berisha  tha sot gjatë fjalës së tij në parlament se Shqipëria është kthyer në një mini Afganistan të Europës. Ai tha se ngjarjet kriminale ndodhin sepse vetë qeveria është e lidhur me grupe kriminale.

?Shqipëria është kthyer në një mini Afganistan. Nga 1 janari e më pas kemi një shkallë të madhe kriminaliteti. Ministri i Brendshëm është i lidhur me Shullazin me ?Hakamarrjen në Drejtësi? dhe me banda të tjera. Është normale që kështu krimi do të veshë uniformën. Pse të mos bëjnë ata kur Edi Rama e ka kthyer qeverinë në një organizatë kriminale?  A e dini cfarë poshtërimesh i bëjnë bandat krybashkiakut të Bashkisë së Durrësit? Ai është bërë për tu larguar nga detyra sepse pranoi votat e krimit. Në këtë terren bandat bëjnë cfarë të duan. Kemi patur 54 vrasje në 30 ditë. Ju shisni shpirtra të vdekurish për sukses?tha Berisha

Ish kryeministri foli edhe për gjendjen ekonomike të vendit, për të cilën tha se borxhi publik ka shkuar mbi 1 trilion lekë. Ai u shpreh se kryeministi Edi Rama po inaguron punime që janë inaguruar që në vitin 2009.

?Keni gjetur një mënyrë të paimagjinueshe për të ndarë paratë nëpërmjet koncesioneve. Në këto koncesione sipas llogarive janë ndarë 375 miliardë lekë. Kjo do të thotë që borxhi publik nuk është më 1 trilion, nuk është më 74%, por është 180 %. Ky fakt do ta dënojë Shqipërinë për një kohë shumë të gjatë. E morët borxhin në vitin 2013 me 62.7% e rritët në 74%. Edi Rama inaguron një rrugë prej 1.5 km disa herë. Inaguron punime që janë inaguruar që në vitin 2009.?, u shpreh Berisha





Lajmet e fundit nga