web counter
LEXO PA REKLAMA!

SHKARKO APP

App Store
Google Play

E fundit!

x

Aksioni kundër paligjshmërisë/ Në një javë 51 raste kundra ligjit, arrestohen 14 persona

7 Shkurt 2016, 11:17, Aktualitet CNA

Policia e Shtetit ka ndërmarrë disa aksione të ndryshme për sa i përket vjedhjes së energjisë elektrike, ndërtimeve të paligjshme, prerjes së pyjeve dhe lotarive të palejuara

Në drejtim të parandalimit dhe goditjes së vjedhjes së energjisë elektrike gjatë kësaj jave në të gjithë vendit kanë vepruar në terren 85 grupe të përbashkëta POLICI-OSHEE. Ata kanë kryer 3.432 kontrolle në terren. Gjatë kontrolleve u evidentuan 22 raste të vjedhjes së energjisë elektrike, me 22 autorë.

Policia bën me dije se nga këta, 11 autorë janë arrestuar në flagrancë, 4 autorë janë shpallur në kërkim dhe 7 autorë ndiqen në gjendje të lirë.

Në fushën e ndërtimeve të paligjshme , nga ana e Strukturave të Policisë së Shtetit në të gjithë vendin janë evidentuar 17 raste të ndërtimeve pa leje. Për këto raste janë evidentuar dhe proceduar 17 autorë nga të cilët, 2 autorë janë arrestuar në flagrancë, ndërsa 15 autorë ndiqen në gjendje të lirë.

Në kuadër të masave për parandalimin e prerjeve të paligjshme të pyjeve , gjatë kësaj periudhe në të gjithë vendin janë evidentuar 7 raste me 7 autorë, nga të cilët 1 është arrestuar në flagrancë dhe 6 ndiqen në gjendje të lirë.

Ndërsa në fushën e organizimit të lotarive të palejuara , Policia e Shtetit ka evidentuar 5 raste me 5 autorë, të cilët ndiqen në gjendje të lirë. Edhe në javët në vazhdim , Strukturat e Policisë së Shtetit do vijojnë punën për parandalimin dhe goditjen e veprimtarisë së paligjshme





Lajmet e fundit nga