E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Zbardhet raporti për spastrimet në shëndetësi/ Ja kush largohet nga puna

7 Shkurt 2016, 07:58, Aktualitet CNA

Ditët e fundit është folur shumë për largimet e punonjësve të shëndetësisë nga puna. Në disa qytet, dhjetra punonjës kanë dalë në protestë kundër largimit nga puna, i cili sipas tyre është i padrejtë. Gazeta “Sot” ka zbardhur raportin e ministrit të Shëndetësisë, Ilir Beqaj për shkurtimin e personelit shëndetësor në të gjithë spitalet e vendit. Ky raport u është shpërndarë deputetëve, ndërsa pasqyron arsyetimin dhe skemën e shkurtimeve të mjekëve dhe infermierëve në të gjithë spitalet e vendit.

Në raportin e ministrit, thuhet se shkarkimet në sektorin e shëndetësisë kanë ardhur pas një raporti të përgatitur nga Steve Kenny, drejtor Ekzekutiv i ?Canadian Advanced Medical Services International?, i përgatitur që në vitin 2012. Sipas tij, numri i personelit është shumë më i lartë se sa është e nevojshme. Ndaj, rekomandohet shkurtimi i stafeve. ?Fondi në bashkëpunim me Ministrinë e Shëndetësisë të konsiderojë ridizenjimin e disa spitaleve, të cilat janë qartësisht të nënpërdorura, në funksione të tjera të kujdesit shëndetësor?, thuhet të raportin që citon Steve Kenny.

Sipas raportit, shumë spitale sot nuk kryejnë funksione pasi popullsia është zhvendosur drejt kryeqytetit. ?Zhvillimet e 25 viteve të fundit kanë sjellë një zhvendosje të ndjeshme të popullsisë së vendit drejt kryeqytetit dhe disa spitaleve të tjera në qendra të rëndësishme ekonomike e sociale të vendit, apo edhe jashtë vendit, ndërkohë që numri i shtretërve të këtyre spitaleve, ka mbetur po i njëjti. Duke vërejtur strukturat e spitaleve bashkiakë, konstatohet lehtësisht se rritja e numrit të personelit, ka rezultuar për më tepër në personelin mbështetës, sanitarë, punonjës të tjerë mbështetës e më pak në sektorin ndihmës mjekësor. Duke e lidhur punësimin e kësaj kategorie punonjësish të pakualifikuar me qëllimin e funksionimit të një spitali, ky numër personeli, vërehet se u shërben pak ose aspak banorëve?, theksohet në raportin e ministrit Beqaj.