Fatos Klosi: Kush ka frikë nga Byroja Hetimore ?

7 Shkurt 2016, 07:42, Aktualitet CNA

Ish-kreu i Shërbimit Informativ Shtetëror, Fatos Klosi, ka komentuar zhvillimet e fundit politike mbi krijimin e Byrosë Kombëtare të Hetimit. Në një intervistë për gazetën “Sot” Fatos Klosi është ndalur edhe te mosmarrëveshjet mes palëve politike për ngritjen e Byrosë Hetimore.

?Unë dëgjova kryeministrin që tha se Byroja e Hetimit është pjesë e reformës në drejtësi. Ai ishte qëllimi i kryeministrit për të bërë Byronë e Hetimit, dhe pastaj të bëhej reforma. Pjesa e hetimit është pjesë e drejtësisë, për të ndihmuar drejtësinë. Dëgjoj PD që thotë se e duam me urgjencë, por nuk mendojmë se është ajo që donte Edi. Mazhoranca do ta ngrejë ashtu siç e ka menduar se i ka votat. Është budallallëk ajo që thotë Luli se kanë frikë ta ngrenë. Me sa duket kanë dalë probleme, që një Byro Hetimi mund të konsiderohet jashtë institucioneve të hetimit që shteti jonë e ka një, është pak e ngatërruar. Marrim shembull SHBA. SHBA kanë prokurorinë dhe policinë federale. Kush ka frikë? Frikë kanë më shumë ata që po bërtasin këto ditë?, tha Klosi.

Në cilësinë e ish-kreut të SHISH, Klosi shpjegon edhe rrugët se si dosjet e politikanëve shqiptarë kanë rënë në duart e amerikanëve. ?Amerikanët dinë shumë gjëra. Korrupsioni në Shqipëri nuk është i fshehur. Të gjitha firmat e huaja që kanë ardhur në Shqipëri dhe kanë kontaktuar me administratën shtetërore, kanë bërë relacione. Ato kanë kërkuar informacion. Shtetet janë të interesuara për të gjitha investimet që bëhen jashtë shtetit nga firmat përkatëse, në vende të ndryshme. Nëse një firmë do të vijë, natyrisht bëhet një relacion. Në shumicën e rasteve firmat janë tërhequr sepse mjedisi nuk ka qenë i mirë nga pikëpamja e korrupsionit. Gjithë shërbimet hetimore në kohën e SHISH kur e drejtoja unë, dinin shumë gjëra për Shqipërinë. Ata nuk janë kot këtu. Ambasadori Donald Lu thotë se unë edhe mund të botojë raste, dhe ai nuk flet për të bërë gallatë. Ai nuk flet me opinionet e veta?, u shpreh Klosi. Ish-kreu i Shërbimit Informativ Shtetëror, komentoi edhe zbarkimin e John Kerry në Tiranë. Sipas tij, John Kerry do të thotë disa gjëra që do të merren më seriozisht