web counter
LEXO PA REKLAMA!

SHKARKO APP

App Store
Google Play

U denoncua në Fiks Fare/ Shkarkohet nga detyra inspektori në doganën e Kakavijës

4 Shkurt 2016, 17:50, Aktualitet CNA

Pas denoncimit nga emisioni investigativ Fiks Fare lidhur me importimin e pulave të skartuara, AKU ka shkarkuar nga detyra inspektorin veterinar të P.I.K-ut në doganën e Kakavijes, Selman Cakën dhe ka marrë masa administrative në përputhje me legjislacionin në fuqi. Përmes një njoftimit për mediat, AKU bën me dije se se Drejtori i Përgjithshëm i AKU-së,Isuf Shehu urdhroi kontrolle të rrepta fizike në pikat doganore për të gjitha importet e  kafshëve të gjalla.

Njoftimi i plotë për mediat nga AKU

Duke marrë shkas nga filmimet e bëra publike ditët e fundit nga emisioni investigativ “Fiks Fare”, Drejtori i Përgjithshëm i Autoritetit Kombëtar të Ushqimit, Z.Isuf SHEHU, mori masa për largimin nga detyra të inspektorit veterinar të P.I.K-ut në doganën e Kakavijes, Z.Selman Caka dhe marrja e masave administrative në përputhje me legjislacionin në fuqi.

Menjëherë pas vënjes në dijeni nga ?Fiks Fare?, të deklaratave të inspektorit nëpërmjet një kamere të fshehtë, ku ai nuk zbaton:

– Ligjin 9863, ?Për Ushqimin? (i ndryshuar), datë 28.01.2008

– Ligjin 10465, datë 29.09.2011 ?Për Shërbimin Veterinar në Republikën e Shqipërisë?

– Manualin nr.620 ?Për procedurat teknike që duhet të ndiqen nga Pikat e Inspektimit Kufitar

gjatë importit të kafshëve të gjalla në Republikën e Shqipërisë?;

organi disiplinor i AKU-së, me urdhër të Drejtorit të Përgjithshëm, ka filluar procedurën për largim nga Shërbimin Civil për nepunesin Selman Caka, konfom parashikimeve të Ligjit Nr.152 /2013 për ?Nëpunësin Civil?.

Gjithashtu Drejtori i Përgjithshëm i AKU-së, Z.Isuf SHEHU urdhroi kontrolle të rrepta fizike në pikat doganore për të gjitha importet e  kafshëve të gjalla.

AKU siguron publikun për marrjen e të gjitha masave për të garantuar sigurinë ushqimore të konsumatorit shqiptar.

 





Lajmet e fundit nga