web counter
LEXO PA REKLAMA!

SHKARKO APP

App Store
Google Play

E fundit!

x

Artan Hoxha: Masakra në Elbasan, e njëjtë me atentatet në Paris

4 Shkurt 2016, 18:28, Aktualitet CNA

Gazetari investigativ Artan Hoxha është shprehur se masakra e djeshme në Elbasan ku mbetën të vdekur tre persona, ka të njëjtën skenë krimi si atentatet e ndodhura në Paris në 13 Nëntor të vitit të kaluar. I ftuar në studion e lajmeve në ?News24?, gazetari Artan Hoxha analizoi mënyrën se si kanë vepruar autorët e masakrës, duke theksuar se kjo ngjarje mund të cilësohet si goditje finale, një goditje e vetme për të larë hesapet njëherë e mirë.

?Masakra e djeshme është e njëjta skenë me atentatet në Paris. Kanë qenë tre vatra zjarri, tre kallashnikov që kanë qëlluar në të njëjtën kohë. Bilanci I masakrës së djeshme me 3 të vrarë dhe 8 të plagosur është kostoja më e rëndë që po paguajnë shqiptarët për mungesën e drejtësisë dhe ndëshkimin e veprave të rënda në vend. Në rast se policia, prokuroria dhe gjykatat do të funksiononin siç duhet, nuk do ta kishim ngjarjen e djeshme. Pas çdo vrasje, çdo atentati, që në pjesën dërrmuese janë bërë në mes të ditës. Në çdo rast kanë fillua hetimet, ka patur personal të ndaluar dhe në asnjë rast drejtësia nuk i ka ndëshkuar autorët.?- deklaroi Hoxha.

Lidhur më operacionin e policisë për kapjen e autorëve, Hoxha thekson se fakti që 24 orë pas ngjarjes nuk janë gjetur ende autorët, të lë një shije aspak të mirë në lidhje me mundësinë dhe kapacitetet që ka policia për të reaguar në situata të tilla.

?Qytetarët e këtij vendi duhen qetësuar, se ajo që ndodhi nuk do të ndodhë më. Drejtuesit e policisë duhet të japin informacion. Justifikimi se ky është sekret hetimor nuk qëndron. Policia thotë se ka persona të dyshuar, janë sekuestruar pamjet e kamerave, që për mua janë shumë të rëndësishme, sepse dëshmojnë dinamikën e krimit.?-deklaroi Hoxha.

 





Lajmet e fundit nga