web counter
LEXO PA REKLAMA!

SHKARKO APP

App Store
Google Play

Parashikimet e zbuluesit legjendar për të ardhmen/ Ja çfarë kishte thënë Tesla për fuqinë e wireless-it

2 Shkurt 2016, 15:05, Tech CNA

Më 30 janar të vitit 1926, revista Collier?s kishte publikuar një intervistë me zbuluesin legjendar, Nikola Tesla.
Në të, Tesla paraqet parashikimet e tij të mahnitshme për të ardhmen – një botë të makinave fluturuese, të energjisë pa tel, dhe superioritetit të femrave.

Disa nga parashikimet ishin me vend e të tjerët jo aq shumë.

Në fillim të vitit 1926, kur kjo intervistë me Teslan u botua, televizioni ishte mezi duke bërë hapat e parë.

Por, Tesla tashmë ishte duke kërkuar botën e telefonave me video, transmetuesve televizivë, si dhe të komunikimit me celular në mbarë botën.

Dhe për këtë Tesla, ndër tjerash kishte sqaruar:

Kur wireless do të aplikohej në mënyrë të përkryer, e gjithë toka do të konvertohet në një tru të madh.

Ne do të jemi në gjendje të komunikojmë me njëri-tjetrin në çast, pavarësisht nga distanca.

Jo vetëm kaq. Përmes televizionit dhe telefonisë do ta shohim dhe dëgjojmë njëri-tjetrin sikur të ishim ballë për ballë, pavarësisht distancave; dhe instrumentet me të cilat ne do të jemi në gjendje të bëjmë diçka të tillë do të jenë shumë më të thjeshta në krahasim me telefonat tonë të tanishëm.

Ato pajisje do të jemi në gjendje t?i bartim edhe në xhep.

Ne do të jemi në gjendje të jemi dëshmitarë, duke parë dhe dëgjuar, inaugurimin e Presidentit, lojëra të shumta nëpër botë, kërdinë e një tërmeti apo terrorin e një beteje, sikur të ishim të pranishëm aty.

Kur transmetimi i fuqisë së wireless do të bëhej komercial, transportimi dhe transmetimi do të revolucionarizoheshin.

Tashmë filma janë transmetuar nga një distancë e shkurtër. Më vonë distanca do të jetë e pakufishme.





05:42 Tech

Makinat autonome

Pas gati gjysëm dekade vështirësish, prodhuesit amerikanë të...

Lajmet e fundit nga