Nga shoku Rama tek zoti Ndocaj

1 Shkurt 2016, 06:14, Aktualitet CNA

Gara në Partinë Socialiste tashmë ka njohur kandidatët zyrtarë. I pari që ka shpallur zyrtarisht një platformë është deputeti i Lezhës, Eduard Ndocaj. Deputet në listën socialiste, prej disa muajsh mban postin e nënkryetarit e Partisë Demokristiane, pas përplasjeve që pati me kryesuesen e listës në Qarkun e Lezhës, Mimi Kodheli. Në publik ai deklaroi se kishte paguar një drekë disa mijë euro dhe se fondet e fushatës shpenzuar prej tij ndër vite ishin disa dhjetëra mijëra euro.

Ndocaj, para pak javësh u fut në parlament si deputet socialist dhe ka filluar të lëvizë nëpër qytete të ndryshme dhe të provokojë me daljet e tij në publik. Me sensin e tij të humorit dhe me sjelljen kritike ndaj disa institucioneve qeveritare ka bërë që të jetë kandidati më popullor, por edhe më serioz se vetë kryeministri Rama në këtë garë.

Denoncimet e tij për konsullatën në Milano, prefekturën e Lezhës, intstitucionet shëndetësore në atë qark si dhe shumë deklarime publike e kanë bërë Ndocajn deputetin ?kaubojs? më të njohur në parlament. Këtu kemi parasysh faktin se në atë sallë, përvecse njerëzve të inkriminuar, injorantëve dhe analfabetëve, të korruptuarve dhe batakçinjve, ka njerëz që nuk njihen aspak nga opoinion publik që nuk kanë folur as edhe një herë të vetme dhe si njeh askush.

Ndocaj, është një kandidaturë me peshë dhe me vlerë për opinionin publik pasi mbështet prej tij. Aq i mbështetur, sa edhe vetë kryeministri, Edi Rama duket se e ka ?frikë?.

Eduard Ndocaj, shpalli kandidaturën e tij duke artikuluar publikisht edhe alternativën se si do ta drejtonte Partinë Socialiste apo si do ta largonte LSI-në nga qeverisja. Ai ka platformë, alternativë, ide dhe vizion konkret. Kërkon të garojë në bazën e socialistëve, por mesa duket Edi Rama e ka frikë.

Në rastin konkret, Ndocaj duket më serioz se vetë Rama, sepse doli me një platformë dhe alternativë konkrete. Kurse kryeministri ynë jo vetëm që nuk e ka një të tillë, por ka frikë të zhvillojë zgjedhje në PS, duke shpikur lloj lloj formash për të shmangur garën. Ndoshta është i vetmi kryetar në botë që ka 7 vjet pa u zgjedhur, përjashto diktatorët. Eduard Ndocaj është një zotëri i vërtetë dhe kërkon të jetë pjesë e një gare. Shoku Edi nuk bën garë, e trajton partinë si stanin e tij, nuk lejon të zhvillohen zgjedhje, ka frikë nga vota e socialistëve. Këto fakte e kanë bërë kryeministrin e vendit të jetë pjesë e termit të trashëguar nga PPSH ?shokë?. Dhe në fakt, në rast se do të kemi një garë në PS, shoku Edi do të ketë përballë në garë një kandidat me një platformë konkrete, i cili pritet që ta konkurojë denjësisht kreun e qeverisë.

Sa kohë duhet për të punuar një platformë apo ide të vërtetë për të kënaqur bazën e socialistëve, Eduard Ndocaj e tregoi publikisht. Në rast se kryeministri nuk shkruan dot alternativën e tij për socialistët, mjafton të kopjojë atë të zotit Ndocaj dhe të mbajë si pikë kryesore bashkëqeverisjen me Ilir Metën dhe gara në PS do të ishte një betejë e vërtetë historike./citynews