web counter
LEXO PA REKLAMA!

SHKARKO APP

App Store
Google Play

PD mbështet hetimin ndaj Spiro Kserës: Prokuroria të veprojë me profesionalizëm

30 Janar 2016, 14:00, Politikë CNA

Partia Demokratike ka mbështetur hetimin e prokurorisë ndaj ish-ministrit, Spiro Ksera.  Në një deklaratë për media, sekretari i përgjithshëm i PD, Arben Ristani është shprehur se PD nuk do të bëhet pengesë e asnjë hetimi ndaj zyrtarëve si dhe e vlerëson luftën ndaj korrupsionit. Ai i ka bërë thirrje prokurorisë të kryejë hetime të drejta dhe objektive, të pandikuara nga nevoja që ka qeveria dhe kryeministri i më i korruptuar në Ballkan për të larguar vëmendjen nga hajdutëria që po bëjnë çdo ditë.

Deklarata e PD

Partia Demokratike mbështet dhe inkurajon çdo hetim dhe akt të drejtësisë në luftën kundër korrupsionit. Partia Demokratike nuk bëhet pengesë e asnjë hetimi ndaj zyrtarëve apo ish-zyrtarëve të saj në asnjë rast dhe e vlerëson luftën ndaj korrupsionit si jetike për vendin.

Në lidhje me ndalimin e z. Ksera PD i kërkon Prokurorisë të zbardhë akuzat dhe të veprojë me profesionalizëm duke zbatuar ligjin dhe vetëm ligjin.

Ne inkurajojmë hetime të drejta dhe objektive, të pandikuara nga politika dhe veçanërisht nga nevoja që ka qeveria dhe kryeministri më i korruptuar në Ballkan, për të larguar vëmendjen nga hajdutëria masive që po bëjnë çdo ditë, në dogana, tatime, tendera, koncesione dhe privatizime.





Lajmet e fundit nga