web counter
LEXO PA REKLAMA!

SHKARKO APP

App Store
Google Play

Edi Rama bën gati INSIGUN për miqtë e tij Gon Papuli e Gaz Demi

29 Janar 2016, 13:00, Politikë CNA

Partia Demokratike ka denoncuar sot privatizimin e INSG. Nëpërmjet një deklarate për shtyp, zëdhënësja e PD tha se pronrët e INSIG janë parapërcaktuar. Sipas PD, ata janë Gon Papuli dhe Gaz Demi.

Deklarata e PD

Edi Rama tregoi sot me gisht për një orë rresht popullin e tij si hajdut, në një sallë të mbushur me dhunë me punonjës administrate në orar zyrtar, ndërkohë që ai vetë qëndron në krye të bandës që vjedh dhe gllabëron çdo ditë paratë dhe pasuritë e shqiptarëve.

Së fundmi, Edi Rama ka futur në kthetrat e tij edhe një tjetër pasuri  publike, për ta ndarë me miqtë dhe klientelën.

Kompania e sigurimeve INSIG, pritet të privatizohet dhe pronarët e rinj janë paracaktuar.

Procedurat do të jenë të kota e pa vlerë, pasi ky aset shtetëror me vlerë dhjetra milionë euro, do ti jepet miqve të kryeministrit.

Pronarët e rinj të INSIG pritet të jenë Gon Papuli dhe Gaz Demi.

Njëri ndërtues i sarajeve private të Edi Ramës në Dardhë e në Durrës, tjetri me lidhje të forta e së fundmi në ortakëri me Olsi Ramën në biznes.

Ky është një skandal, një akt korruptiv, me fitues të paracaktuar, pjesë e mendësisë së Edi Ramës për të marrë e plaçkitur, për të ndarë me miqtë çdo pasuri publike.

Me dhjetra koncesione e privatizime të kësaj natyre, po bëhen cdo ditë nga Edi Rama me pasuritë e paratë e shqiptarëve.

Eshtë koha, është ora që shqiptarët të reagojnë.

Shqiptarët e kanë në dorë të ndalin këtë vjedhje, këtë babëzi, këtë hajdutëri të fondeve dhe pasurive publike.





Lajmet e fundit nga