web counter
LEXO PA REKLAMA!

SHKARKO APP

App Store
Google Play

E fundit!

x

Ja plani i Ramës në kongresin e PS/ Ndryshimet e kupolës drejtuese

28 Janar 2016, 12:29, Politikë CNA

Edi Rama pritet të spastrojë më shumë se gjysmën e grupit të tij parlamentar që në kongresit që është caktuar për 19 mars.

Tesheshi.com shkruan se grupi organizator i kongresit bëjnë me dije se në institucionin më të lartë të partisë do të ndryshojë më shumë se 50% e kupolës drejtuese që nga Asambleja, kryesia dhe grupi parlamentar.

Që prej disa muajsh, Rama ka hequr delegimin e deputetëve të zgjedhur në vitin 2013 në qarqet e tyre.

Do të ndryshojë krejt harta e përfaqësimit ndërkohë që senatorët nuk do të jenë të gjithë në  grupin që do të kandidojë në zgjedhjet e ardhshme që shumë qarqe mendojnë se mund të jenë edhe të parakohshme.

Deputetët

Ministrat që kanë dorëzuar mandatin janë caktuar si të deleguar në qarqe të tjera për të treguar se ata do të kandidojnë si krerë listash, jo më në 12 qarqet por në 61 bashkitë e reja të krijuara nga reforma territoriale legjislative.

Kështu, përveç Shkëlqim Canit që mësohet se do t?i lihet sërish qarkut të Dibrës, Arben Ahmetaj nuk do të kandidojë më në Gjirokastër por në Tiranë, e përkatësisht në zonën e ?21 Dhjetorit? apo ndryshe njësisë numër 7 ku në 2005 humbi përballë Lulzim Bashës.

Rama i ka bërë të ditur Ahmetajt se duhet të tregojë sfidën e tij si politikan në një zonë të vështirë ku PS herë ka fituar dhe herë ka humbur.

Ndërkaq, Mimi Kodheli nuk do të jetë më në qarkun e Lezhës por do të dërgohet ose në Shkodër ose në Pukë për t?i dhënë kësaj zonë imazhin e largimit të ?të fortëve?.

Lindita Nikolla, ministrja e Arsimit është caktuar si e ?regjente? e PS-së së Lezhës pikërisht për t?i dhënë mundësinë e kryesimit të listës në këtë zonë ku PS-ja pati edhe degradimin e listës së saj pas largimit të deputetëve me probleme penale por edhe personale.

Zv.kryeministri Niko Peleshi, siç pritet do të vendoset si kryesues i listës së Korçës, ndërsa Saimir Tahiri do të vazhdojë të kryesojë Tiranën, megjithëse ekziston një mundësi për në Durrës pasi në grupin e organizimit ai ka marrë në kujdestari Tiranën dhe Durrësin.

Blendi Klosi pritet të zbresë sërish në Fier, ndërkohë që edhe lista e Elbasanit do të ribëhet nga e para.

Ben Blushi nuk do të jetë më në Elbasan dhe për këtë gjithçka pritet të zgjidhet pas kongresit, ku deputeti socialist mundet të garojë me Edi Ramën për kryetarin e PS-së.

Alfred Peza nuk do të kandidojë në Peqin por në qarkun e Tiranës ose të Durrësit.

Në Peqin është dërguar minoritari Anastas Angjeli, i cili pritet të jenë një nga drejtuesit e qarkut të Elbasanit.

Ndërkaq, për zonën e jugut pritet zgjidhja e një konflikti mes Gramoz Ruçit dhe Koço Kokëdhimës, por edhe deputetëve të tjerë. Vlora, Gjirokastra, por edhe Fieri, do të caktohen pas Kongresit.

Udhëheqësia

Një plan që deri tani po mbahet sekret është që njeriu që do të kandidojë me Edi Ramën për kryetar të PS-së pritet që të caktohet automatikisht numri dy i partisë, kjo dhe për shkak të votave të anëtarësisë që do marrë.

Në mbledhjen e grupit organizator, mësohet se Rama ka theksuar se kush merr vota për kryetarin e partisë por nuk fiton, automatikisht është caktuar dhe zëvëndësi i tij dhe nuk mund të përjashtohet por të jetë pjesë e grupit përfaqësues, duke u profilizuar si zëvendësues i mundshëm i kryeministrit nëse do të ketë një largim apo dorëheqje. Dhe së këndejmi nxjerr krye skema për ta çuar Blushin drejt numrit 2 të PS-së, me faktin e mirëqenë që ky i fundit do garojë përballë Ramës për të marrë kryesimin e partisë, por pa mundur të fitojë me vota.

Ndërkaq, kupola e lartë do të pësojë totalisht transformim duke futur edhe emra që deri tani nuk janë përfaqësuar. Të drejtë përveç kryetarit në caktimin e ekipit drejtues do të ketë edhe kandidati për kryetar.

Ndërkaq, mësohet se në grupin drejtues të kupolës së re do të jenë disa nga kryetarët e bashkive të zgjedhur më 21 qershor 2015, të cilët do të kenë shumë peshë në ekzekutivin e ri të partisë. /tesheshi.com/





Lajmet e fundit nga