E fundit!

08:27 Aktualitet

Helmohen sërish nga ushqimi dhjetëra kursantë të Akademisë së Sigurisë

Helmohen sërish kursantët e Akademisë së Sigurisë në Sauk....

Basha në punimet e PPE: Rama nuk e do reformën në drejtësi

29 Janar 2016, 13:15, Politikë CNA

Kreu i Partisë Demokratoke, Lulzim Basha, ka qenë sot në punimet e Asamblesë Politike të Partisë Popullore Europiane mbajtur në Bruksel. Gjatë fjalës së tij, Basha ka thënë se Edi Rama nuk e do reformën në drejtësi dhe se krimi dhe korrupsioni kanë fundosur Shqiperinë. Basha ka thënë perballë të djathtëve europianë se PD po përgatitet për ti dhënë shqiptarëve rrugedaljen nga kriza

Nëpërmjet një statusi në rrjetet sociale, Basha shkruan:

Gjatë punimeve të Asamblesë Politike të Partisë Popullore Europiane mbajtur në Bruksel pata një takim të vecantë më Presidentin e Partisë Popullore Europiane Joseph Daul si dhe bisedova me Sekretarin e Përgjithshëm Antonio Lopez-Isturiz ,me zv.Presidentin David Mecalister, kryetarin e Komisionit të Jashtëm të Parlamentit Europian Elmar Brok dhe personalitete të tjerë.

Në këto takime si dhe ne fjalën në Asamblenë Politike, u ndala tek kriza ekonomike që ka mbërthyer vendin, niveli i lartë i korrupsionit, reforma në drejtësi, dhe zgjedhjet e lira dhe te ndershme. Ashtu siç thekson edhe Komisioni Europian në raportin e tij për ekonominë e Shqipërisë grumbullimi i të ardhurave buxhetore mbetet shqetësuese për shkak të korrupsionit të lartë. Në vitin 2015 rreth 400 milionë euro i munguan buxhetit të shtetit vetëm nga doganat dhe tatimet. Shqetësim është rritja e borxhit publik nga 62% në 74% . 1.1 miliard euro ka marre borxh qeveria, dhe sot nuk asnjë investim publik, asnjë rrugë të re, asnjë shkollë, nuk ka as rritje pagash e pensionesh, as më shumë fonde për personat në ndihmë ekonomike, përkundrazi është ulur pagesa për papunësinë ndërkohë që është rritur papunësia, siç raporton Komisioni Europian.

Po kështu u ndala dhe tek niveli i lartë i korrupsionit. 1 miliard euro janë vjedhur vetëm gjatë vitit të kaluar, 400 milionë euro nga doganat dhe tatimet dhe 777 milionë euro nga tenderat, prokurimet dhe koncesionet korruptive të cilat gjithnjë fitohen nga familjarët, miqtë dhe klientët e kryeministrit dhe ministrave të tij.
Krimi i organizuar ishte një tjetër shqetësim pasi bandat janë ato që bëjnë ligjin, sepse kanë mbështetjen e pushtetarëve.

Kjo situatë e paprecedentë në këto 25 vite e bën dhe më të domosdoshme dhe imediate reformën në drejtësi e cila është peng i vullnetit të munguar të Edi Ramës. Vetë mazhoranca është e përçarë në dy drafte pasi Rama nuk do konsensus, sepse synon kapjen politike të drejtësisë. Kjo, do të ishte fatale për vendin sepse përtej kapjes politike do ta vendoste drejtësinë në funksion të bandave dhe krimit që sot bëjnë ligjin në vend.

Partia Demokratike është e vendosur për reformën në drejtësi pasi ajo është përcaktuese në luftën kundër krimit dhe korrupsionit, dy problemet më të mprehta të Shqipërisë nën qeverisjen Rama dhe njëkohësisht dy kushte për integrimin europian të vendit.

Mora mbështetjen e plotë të PPE për aksionin opozitar në përpjekje për të ndalur të keqen që ka mbërthyer vendin, krizën ekonomike, korrupsionin dhe krimin që bën ligjin si dhe për ti ofruar Shqipërisë një vizion europian përmes një qeverisje të re të dalë nga vota e lirë.