web counter
LEXO PA REKLAMA!

SHKARKO APP

App Store
Google Play

Anastas Angjeli, deputeti me shtëpi në Boston

29 Janar 2016, 18:19, Aktualitet CNA

Anastas Angjeli është një nga deputetët i cili ka patur në pronësi një banesë në Shtetet e Bashkuara të Amerikës, Boston. Referuar deklarimit të pasurisë së tij pranë ILDKP-së, mësohet se shtëpia e Angjelit në SHBA, ka patur një vlerë prej 330 000 dollarë.

Ndërkohë kjo nuk është e vetmja pasuri e paluajtshme e deputetit socialist. Në deklarimin e vitit 2013, mësohet se Angjeli ka në pronësi gjithashtu një shtëpi banimi me 450 m2 sipërfaqe truall dhe 589 m2 sipërfaqe banimi, vlerë 11 500 000 lekë, tokë me sipërfaqe 440 m2, në rrethin e Sarandës me vlerë 264 000 lekë, apartament me sipërfaqe 158 m2 në Sarandë dyqan me sipërfaqe 99 m2, në Sarandë, me vlerë të paspecifikuar. Ndërkohë në llogaritë bankare të deputetit Angjeli mësohet të jenë të depozituara 35 323 lekë, 4 111 dollarë dhe 2 741 euro.

Angjeli gjithashtu ka në pronësi një automjet vlerë 50 915 dollarë. Nga ana tjetër, Angjeli deklaron si pasuri OJF-në Qendra Mesdheu, Universiteti Mesdhetar i Shqipërisë, me vlerë 100 000 lekë. Ndërkohë, referuar deklarimit të Angjelit në vitin 2014, mësohet se ai e ka shitur shtëpinë në Boston për 55 200 dollar. Ndërsa llogaritë e tij bankare kanë patur  115 847 lekë, 21 705 dollarë. Po në këtë vit, mësohet se Angjeli kishte 36 782 euro detyrime të pashlyera për një kredi në një bankë të nivelit të dytë./citynews





Lajmet e fundit nga