E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

Nga Spartak Ngjela/ Shqiperia ka pasur kryeministra infantile

29 Janar 2016, 16:43, Aktualitet CNA

Kanti argumentoi:?Ne e dimë që ne jemi të lirë, sepse ne kemi lindur nga ligji moral?.
Kjo është arsyeja e qytetërur e gjërave. Por, a mund të thuash se vjedhësit tanë, që kanë qeverisur Shqipërinë në dy dekadat e fundit, kanë lindur nga ligji moral? Të gjitha kafshët grabitqare, grabisin për mbijetese, por ato nuk kanë një ligj moral, nga i cili të kenë lindur. Por, si mendoni ju, ky Meta, dhe ky Berisha, nga ligji moral ka lindur? Jo. Këta janë abuzues, që po bllokojnë zhvillimin e mirëqenies shqiptare. I tillë është dhe i gjithë tabori i tyre. Por, të gjithë këta janë të rrezikuar nga Reforma në Drejtësi. Dhe, Reforma në Drejtësi, nuk është një reformë shqiptare. Ta dinë mirë që të gjithë: ajo është reformë amerikane. Ne nuk jemi në gjendje që të bëjmë një reformë të tillë, sepse nuk na lënë pushtetarët që kanë prangosur moralitetin e qeverisjes shqiptare. Por, kot e kanë; tani ka ardhgur gjithçka drejt fundit; prandaj dhe drejt fundit të tyre.
Po Kryeministri aktual? Ai iu premtoi shqiptarëve, goditjen e vjedhësve. Por, po të mos ishte politika amerikanë, ai do të vërtitej si një skllav i çiftit Berisha-Meta, sepse e mendoi politikën dhe pushtetin, si një shkop magjik që do të drejtohej nga ai. Megjithatë, Rama nuk e ka kundërshtuar deri tani reformën amerikane, sepse e di që kjo gjë është vendosur. Po politika amerikane? Edhe ajo është e vendosur, sepse ambasadori amerikan është shprehur se “kjo reformë ka të bëjë me personalitetin ndërkombëtar të Amerikës”. Po vjedhësit, çfarë po bëjnë? Janë të trembur, sidomos Saliu, që në absurd, deklaronte dje që Rama po pengon Reformën në Drejtësi. Është për të qeshur, për hallin që ka, por, duhej ta kishte kuptuar disfatën e tij, qëkurse vendosi për të vjedhur, më gjithë taborrin e tij, familiar dhe ekstrafamiliar. Tani është vonë: lumturia nuk arrihet duke grabitur apo duke poshtëruar popullin tënd.
Dhe janë shumë në të dy taborët: sipas ekspertëve përëndimorë, shqiptarëve, nga ky tabor i gjerë ordiner, u janë grabitur mbi 650 milionë Euro. Patjetër që të gjitha do t’u kthehen shqiptarëve; edhe pse Berisha bërtet, dhe Meta bën sikurt është i qetë. Nuk ka rrugë tjetër: drafti i reformës do të votohet. Por, a janë votat? Sigurisht që janë. Pse, kë besoni ju, Berishën dhe Mëtën që duan të sorrollaten me konsensusin e tyre, si alibi për të mosvotuar draftin amerikan?
Si mendoni ju, pasi ambasadori Lu të thotë, që ?ky është drafti ynë?, do ta rrëzojë në Parlament një fluks deputetësh që nuk di se ku ka kokën? Apo Saliu? Askush. Rama thotë? jam me Reformën?. Kjo nuk mjafton: duhet të thotë ?jam me politikën amerikane, për vendosjen e moralitetit në qeverisjen shqiptare?. Dhe, madje, duhet të thotë ndërkaq se, me këtë gjuhë do t?i drejtohet, jo vetëm socialistëve, por të gjithë shqiptarëve.
Kjo është gjendja; prandja mund të themi se ajo e ka sjellë në segmentin e fundit kohor mosndëshkueshmërinë shqiptare. Dy muaj nuk janë shumë për një popull të shumëvuajtur nga abuzuesit shtetërorë. Pse vodhën pushtetarët shqiptarë? Sepse janë udhehequr nga kryeministra infantile, me moshë shumë të vogël mëndore. Edhe e dinin që Shqipëria do shkonte partjetër në Perëndim, edhe nuk e dinin se ç’është Perëndimi. Ja, pra, mësoheni: Përëndimi, para çdo gjeje, është Ligj dhe Moralitet.