E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kosovë-Serbi, kryeministrat në raundin e 30-të në Bruksel për zbatimin e marrëveshjeve

27 Janar 2016, 21:42, Kosova & Bota CNA

Sot në Bruksel nisi raundi i 30-të i dialogut në nivel të lartë Kosovë-Serbi, i shtati i kryeministrave Isa Mustafa e Aleksandar Vuçiç. Ndërmjetësuesja, Përfaqësuesja e Lartë e Bashkimit Evropian për Politikë të Jashtme dhe Siguri, Federica Mogherini, fillimisht po takon ndaras kryeministrin e Kosovës, pastaj kryeministrin e Serbisë, për të vazhduar e përmbyllur edhe këtë raund të ri me takimin e përbashkët trilateral.
Sipas paralajmërimeve zyrtare ngë Brukseli, që theksohen edhe në Prishtinë, diskutohet zbatimi i marrëveshjeve të arritura deri më tash dhe rruga përpara në dialog, ndërsa sipas theksimeve të medias në Beograd ?tema kryesore do të duhej të jetë formimi i Bashkësisë së komunave serbe?.

Asociacioni i komunave me shumicë serbe në Kosovë është një nga katër marrëveshjet Prishtinë-Beograd të nënshkruara në mbrëmjen e 25 gushtit 2015 në Bruksel, në raunin e 28 të dialogut në nivel kryeministrash, ndërsa kundërshtohet nga opozita kosovare me bllokim të seancave të Kuvendit të Kosovës edhe me hedhje gazi lotsjellës e me protesta, prej më shumë se katër muajsh dhe me paralajmërime edhe në vazhdimësi.

Në 23 dhjetor 2015, Gjykata Kushtetuese, pas kërkesës që i është bërë nga Presidentja e Republikës të vlerësojë përputhshmërinë e dokumentit të emërtuar ?Asociacioni/Bashkësia e komunave me shumicë serbe në Kosovë ? parimet e përgjithshme/elementet kryesore?, ka vendosur se, ?këto Parime nuk janë tërësisht në përputhje me standardet kushtetuese përkatëse dhe ka konkluduar se akti ligjor i qeverisë së Republikës së Kosovës dhe Statuti duhet të jenë në përputhje?.

Pas këtij vendimi, qeveria e Kosovës ka siguruar se, ?i tërë procesi dhe çdo akt juridik për të finalizuar asociacionin e komunave me shumicë serbe do bëhet duke u bazuar dhe respektuar konkluzionet e Gjykatës Kushtetues? dhe se ?edhe Statuti i asociacionit do dërgohet në Kushtetuese?.

Subjekti më i madh opozitar në Kosovë, Lëvizja Vetëvendosje, dje ka mbajtur konferencë shtypi ?për të kundërshtuar edhe një herë vazhdimin e paralajmëruar të negociatave me Serbinë?, siç theksohet në komunikatë, duke u shprehur se, ?përmes marrëveshjeve me Serbinë është shkelur Kushtetuta në 23 nene të saj?.

Takimet në nivel të lartë në Bruksel të kryeministrave aktualë Mustafa e Vuçiç, të qeverive të zgjedhjeve 2014 në të dy shtetet, që u mbajtën më parë në Serbi e pastaj në Kosovë, pasojnë 23 raundet e zhvilluara nga kryeministrat e mëparshëm Hashim Thaçi e Ivica Daçiç, të cilët edhe tash janë pjesëmarrës delegacionesh në këtë dialog si ministra të punëve të jashtme.

Kosova dhe Serbia në procesin drejt normalizimit të marrëdhënieve, të kryesuar nga BE e mbështetur nga SHBA, takimin e parë kryeministror në Bruksel e kanë zhvilluar në 19 tetor 2012. Bisedimet në nivel kryeministrash kanë pasuar dialogun teknik, të filluar në 8 mars 2011, po ashtu në Bruksel, ku në krye të delegacionit kosovar ishte Edita Tahiri atëherë zëvendëskryeministre, tani ministre e Dialogut. /ATA