web counter
LEXO PA REKLAMA!

SHKARKO APP

App Store
Google Play

E fundit!

x

20-vjeçari që lufton me leuçeminë/ Thirrje për të kontribuar

17 Janar 2016, 07:36, Aktualitet CNA

Klajdi Spahiu, është një 20-vjeçar që lufton me sëmundjen e leuçemisë. Ndërsa i është nënshtruar disa operacionesh, Spahiu ka deklaruar se sëmundja duket e pamposhtur dhe se janë të nevojshme edhe ndërhyrje të tjera kirurgjikale. Ai gjithashtu bën një apel për ndihma në kontribute monetare, pasi i nevojiten 60 mijë euro për të kryer operacionin.

20-vjeçari i prekur nga leucemia, rrëfen ditët e vështira në përballje me sëmundjen që i rrezikon jetën. Ai thotë se në analizat e para nga mjekët e huaj, rasti dukej i pashpresë, pasi bëhej fjalë për leucemi akute dhe sëmundja kishte përparuar shpejt. ?Duhej patjetër të nisja kimio-terapinë, në mënyrë që të fitonim kohë për kurimin. Kështu për shumë pak kohë familjes sime iu desh të siguronte shumën prej 80.000 euro që të nisja kurimin. Përveç vuajtjes së sëmundjes, më torturonte mendimi se ku do t?i gjente aq shumë para familja ime?, thotë ai. Sipas tij, mga momenti i shtrimit në spital dhe gjer tani, i është nënshtruar disa kimio-terapive. ?Pas përfundimit të kimio-terapisë së tretë, mjekët na thanë që sëmundja është akoma e pamposhtur dhe duhet patjetër t?u nënshtrohem terapive të tjera, kostoja financiare e të cilave është e papërballueshme për ne.

Pas kimio-terapisë së parë, trupi im ka reaguar mirë kundër sëmundjes, por nuk ndodhi e njëjta gjë në kimio- terapitë e ardhshme. Leucemia po lufton akoma trupin tim dhe për momentin nuk bëjmë dot asgjë kundër saj?, rrëfen Klajdi. Ai lëshon edhe një herë apelin se në këtë moment ka nevojë për ndihmën e të gjithëve. ?Për shumën e fillimit, familja ime shiti pothuajse gjithçka, ndërsa tani asgjë nga ç?na kanë mbetur nuk e arrin vlerën e shumës së kërkuar. Arsyeja tjetër është fakti që trupi im nuk reziston ndaj sëmundjes dhe spitali na ka vënë vetëm tri javë kohë për të mbledhur shumën prej 60.000 euro?, shprehet 20-vjeçari. Në të njëjtën kohë, ai rrëfën ed-he bashkëjetesën me sëmundjen. ?Pothuajse çdo ditë ka ngarkesën e saj negative, por për mua më e vështirë është ndërhyrja që bëjnë në tërheqjen e palcës kurrizore, por edhe rënien e flokëve çdo ditë nga pak, e kam vuajtur shumë. Nga dita në ditë sheh veten në një transformim dhe nuk është e lehtë për ta kaluar. Gjendja shëndetësore është shumë e luhatshme, sidomos nën ndikimin e terapive, dhe duhet ta përgatis vetën çdo ditë për gjendjen në të cilën mund të zgjohem të nesërmen?, thotë Klajdi. Ai kujton se më parë bënte një jetë normale dhe të shëndetshme.

?Asnjëherë nuk kam pasur shqetësime shëndetësore. Kam kaluar një fëmijëri të lumtur dhe të shëndetshme. Ndryshe nga bashkëmoshatarët e mi, të cilët ishin në shkollë, unë vitet e fundit punoja për të rritur sadopak të ardhurat e familjes. Më mungon ndjesia e të qënurit i shëndetshëm, energjia dhe fuqia që më karakterizonte në punë. Familja dhe sidomos përkujdesjet e mamit tim, një përqafim i saj dhe pamundësia për të qenë pranë meje, ma kanë shtuar dhimbjen?, thotë ai. Pothuajse i vetëm, pa praninë e familjes, i izoluar në një nga dhomat e pavijonit të një spitali në Mynih, Klajdi Spahiu po lufton me kancerin. Brenda atyre mureve, Klajdi ka 3 muaj që po i nënshtrohet kujdesit të rreptë të mjekëve të huaj, por ende në rrezik për jetën. Sikur të mos mjaftonin dhimbjet e shkaktuara nga kanceri, shqetësimi tjetër që po e mundon prej disa ditësh 20-vjeçarin,është ana financiare. Për shkak të kostos së lartë të kurimit, Klajdit i është ndërprerë ndihma mjekësore e spitalit. Me shpresën për t?u kuruar dhe me dëshirën për jetën, 20-vjeçari ka lëshuar thirrjen për ndihmë.

Familja Spahiu ka vënë në dispozicion një numër llogarie në BKT, e cila është e hapur mbi emrin e mamasë së Klajdit, zonjës Vjollca Spahiu. Shuma që i nevojitet kësaj familje është 60.000 euro. Afati kohor, fatkeqësisht është i limituar, vetëm 4 javë për të bërë të mundur që Klajdit t?i kthehet sërish shërbimi spitalor.

Vjollca Taip Spahiu, nr, 0682371249

Në LEKE

ACC: 508000073CLIDCLALLB0

IBAN: AL3620516583000073CLIDCLALLB

Në EURO

ACC: 508000073CLIDCFEURDR

IBAN: AL4620516583000073CLIDCFEURD

Në USD

ACC: 508000073CLIDCFUSDBI

IBAN: AL4720516583000073CLIDCFUSDB

SWIFT CODE: NCBAALTX





Lajmet e fundit nga