web counter
LEXO PA REKLAMA!

SHKARKO APP

App Store
Google Play

E fundit!

x

Skandali/ Beqa i dha Beqës 85 milionë lekë

16 Janar 2016, 09:27, Politikë CNA

Partia Demokratike vijon të denoncojë aferat abuzive të ministrit të Shëndetësisë, Ilir Beqaj. Nëpërmjet një deklarate për shtyp, deputetja e PD Arbiona Halimi ka akuzuar ministrin Beqaj se i ka dhënë kompanisë së tij një tender me vlerë 85 milionë lekë  për instalimin e një programi tek Fondi i Detyrueshëm i Sigurimeve Shëndetësore. Sipas PD, ky është një nga tenderat më të parregullt që kanë gjetur audituesit, pasi përveç mungesës së dokumentacionit firma e Ilir Beqës ka qenë ofertuesi i vetëm.

Deklarata për shtyp

Korrupsioni i Ilir Beqës është i larmishëm dhe i shtrirë në shumë fusha.

Një nga faktet më skandaloze është rasti kur ai vetë, drejtpërdrejtë i ka dhënë firmës së tij INTECH plus, 85 milionë lekë, për instalimin e një programi tek Fondi i Detyrueshëm i Sigurimeve Shëndetësore.

Eshtë një nga tenderat më të parregullt që kanë konstatuar audituesit, pasi jo vetëm kanë gjetur mungesë dokumentacioni, por firma e themeluar nga Ilir Beqa, ishte ofertuesi i vetëm.

Për më tepër, në krye të bordit të këtij Fondi, ai që merr vendimet, është vetë Ministri, Ilir Beqa.

Sipas burimeve zyrtare, edhe pse në këtë rast Beqa, i dha me firmën e tij, 85 milionë lekë firmës së tij, Intech plus, shërbimi as nuk është ofruar.

Sistemi i kontabilitetit Oracle, për të cilën Beqa i dha Beqës 85 milionë lekë, nuk funksionon.

Vjedhje e hapur, paratë janë dhënë, puna nuk është bërë.

Me gjithë këto rekorde skandaloze korrupsioni, Ilir Beqa vazhdon të fitojë zemrën e Edi Ramës i cili e ka caktuar së fundmi dhe kordinator për matjen e punës së qeverisë.

Sipas standardeve të kampionit të korrupsionit, punë e mirë është kur vjedh shumë dhe kudo.

E vërteta është se puna e këtij ministri, e kësaj qeveria duket qartë dhe e njohin mirë gjithë qytetarët e vendit.

Tani i takon qytetarëve të bëjnë vlerësimin e tyre.

 





Lajmet e fundit nga