Ilir Meta në një lojë publike /Zhurma më e madhe mbyll skandalin e madh

14 Janar 2016, 20:31, Aktualitet CNA

Nje stil politik i mazhorancës qeverisëse. Një mënyrë reagimi për të mbuluar cdo skandal që publikohet. Në këto dy vite e gjysëm qeverisje, ky ka qenë stil dhe aksion i përdorur fort nga mazhoranca por mjeshtri I saj duket të jetë kreu i Kuvendit, Ilir Meta.

Sapo të plasë një skandal që bën zhurmë të madhe, hapim një skandal që të bëjë një zhurmë edhe më të madhe, kështu më radhë dhe sic thotë popullic ?cudia më e madhe 3 ditë zgjat?.

Qeveria sot, por është ajo dje, kur flasim për skandalet e LSI-së kanë pasur të njëtin reagim.

Me zë dhe figurë Ilir Meta u pa nga të gjithë shqiptarët duke folur për qindar mijë euro me ministrin e tij, i cili dhe e denoncoi publikisht më pas. Reagimi ishtë mohim dhe sulm ndaj kryetarit të opozitës atëherë Edi Rama. Më tëj ngjarjet e 21 janarit, e lanë mënjanë bllokun e Metës. Grupet puciste e keshtu me radhe.

Pak muaj më parë plasi një tjetër skandal si ai CEZ-DIA, u akuzua prapë Ilir Meta, ky refuzoi dorëheqjen dhe akuzoi se ishin edhe firmat e Berishës. Cudia shkoi pak më shumë se 3 ditë. Asnjë përgjegjës.

Këto janë pak por mjaftojnë për të nxitur kujtesën e atyre qe duan te shohin realitetin në sy.

Ditët e fundit gazetari Artan Hoxha publikoi disa përgjime të biznesmenit Kastriot Ismailaj me një numër që kohë më parë mbahej dhe përdorej nga Ilir Meta. 200 mijë euro kërkoheshin me sms. Mediat pranë qeverisë heshtën, iso i mbajtën Metës edhe disa portale. Gazetat servile të qeverisë dhe mediat e kontrrolluara nga Ilir Meta heshtën, por edhe e mohuan. Lajmi u dha tek Zëri I Amerikës, pritej skandali I radhës, kreu i kuvendit ikën në Gjermani dhe kthehet me një zhurmë më të madhe.

Pa opozitë ska reformë në drejtësi, më mirë zgjedhje se reform pa consensus, është qendrimi i Ilir Metës. Asnjë fjalë për sms-të dhe 200 mijë eurot. Një zhurmë e madhe u hap, opozita heshti duke u bërë po aq bashkëfajtore. Ethet e zgjedhjeve të parakohëshme dhe zhurma që po sillnin sfumuan sms-në me 200 mijë euro. Opozita shikon ?ëndra? me fitore, Rama fërkon barkun, kurse Meta mbylli një skandal dhe një zhurmë të madhe me një veprim dhe reagim provokativ si ai i zgjedhjeve të parakohëshme. E realizoi duke bërë një zhurmë më të madhe akoma se sms-ja 200 mijë euro.

Cudia zgjat edhe më pak se tre ditë, zhurma më madhe e ktheu në tingull shpërthimin e skandalit të sms-së. Tani kemi ethe zgjedhjesh apo referendume, që janë pasion për opozitën, lojë dhe presion për Metën dhe rrezik dështimi pa mbushur tre vite për Ramën./citynews