web counter
LEXO PA REKLAMA!

SHKARKO APP

App Store
Google Play

Policia sulmon gazetarët në krye të detyrës

11 Janar 2016, 22:05, Aktualitet CNA

Unioni i Gazetarëve Shqiptarë ka deklaruar se një operator është sulmuar nga policia në Shkodër  kur ai ka qenë në krye të detyrës. Në një deklaratë për mediat, thuhet se incidenti ka ndodhur mes operatorit te televizonit dhe efektivëve te Patrulles se Pergjithshme.

Deklarata e plotë e Unionit të Gazetarëve Shqiptarë

Denoncim i ardhur ne adresen e UGSH nga TV Rozafa, ne Shkoder, per nje incident te ndodhur mes operatorit te televizonit dhe efektiveve te Patrulles se Pergjithshme. Kryeredaktori i TV Rozafa, Elvis Nabolli, anetar i UGSH-se na shkruan:
“…Efektivët e patrullës së përgjithshme në Shkoder kanë shoqëruar në mënyre të kundraligjshme operatorin e Televizionit “Rozafa”, Kristian Troshani ndërsa ky I fundit ishte në krye të detyres. Ngjarja e paprecedentë ka ndodhur mbrëmjen e së hënës pranë qëndrës së qytetit të Shkodres, kur 2 efektivët e patrullës së përgjithshme janë afruar pranë automjetit të televizionit Rozafa dhe kanë kërkuar drejtuesin e mjetit. Në ate moment, pranë automjetit është paraqitur operatori i cili ka qënë duke kryer disa filmime, por efektivët e policisë në mënyrë harbute kanë detyruar operatorin që të marrë automjetin dhe të shkojë në komisariatin e policisë edhe pse pa dëshirën e tij ndërsa ky I fundit u ka kërkuar që të presin drejtuesin e automjetit i cili ka qënë pranë mjediseve të Radio Televizionit Rozafa.
Televizioni Rozafa denoncon publikisht ngjarjen e ndodhur me operatorin Troshani nga 2 efektivët e patrullave dhe presionin e ushtruar nga njëri prej efektivëve të patrullave Durim Sylaj I cili ka dhunuar psikologjikisht operatorin dhe përvec kësaj nuk e ka lejuar, as të fliste ne telefon me redaksinë. Por si të mos mjaftonte sjellja e efektivëve të patrullave Troshani është mbajtur rreth 1 orë në mjediset e komisariati pa asnjë shkak edhe pse nuk kishte kryer vepër penale.Televizioni Rozafa kërkon menjëherë që drejtuesit e policisë së Shkodres të marrin masa ndaj shkaktarëve të kësaj ngjarjeje të paprecedentë e cila nuk I shërben aspak marrëdhënieve ne mes medias dhe policisë së Shkodres.

 





Lajmet e fundit nga