web counter
LEXO PA REKLAMA!

SHKARKO APP

App Store
Google Play

Erion Veliaj dhe mashtrimi me bulevardin e Tiranës

10 Janar 2016, 14:19, Aktualitet CNA

Kryetari i Bashkisë së Tiranës, Erion Veliaj, inspektoi sot punimet në bulevardin e ri të Tiranës, në zonën e ish trenit të vjetër. Që nga marrja e bashkisë së Tiranës, Erion Veliaj ka inspektuar thuajse cdo fundjavë ecurinë e punimeve. Inspektimet e Velisë nuk kanë asgjë të keqe, pasi ashtu sic e ka cilësuar edhe vetë, bulevardi i ri i Tiranës do të sjellë përfitime të mëdha për qytetarët, ekonominë si dhe zgjerimin e mëtejshëm kryeqytetit.
Ajo që bën përshtypje është se në kohën kur Veliaj ishte ministër i kabinetit ?Rama?, qeveria i bllokoi punimet për ndërtimin e bulevardit të ri për dy vite.  Në fakt, ajo që kryebashkiaku, Erion Veliaj, po përpiqet të transmetojë duke kryer inspektime të herë pas herëshme nuk është gjë tjetër vecse manipulimi i opinionit publik, duke dhënë idenë se punimet po vijojnë me rendiment të lartë. Por, që kohën kur nisi projekti për ndërtimin e këtij bulevardi, punimet ishin me të njejtin ritëm që janë edhe sot, deri në momentin kur qeveria vendosi të bllokojë punimet, duke shkaktuar vonesën e ndërtimit të bulevardit me dy vite.

Ashtu si në rastin e përmbytjeve të dy ditëve më parë, ku kryeqyteti ndodhej i zhytur në ujë ndërsa Erion
Veliaj ndodhej në Sirilanka për të paraqitur menaxhimin e Tiranës si një histori suksesi, edhe sot dhe cdo javë, Veliaj përpiqet tu hedhë hi syve të qytetarëve të Tiranës, duke u shfaqur si i merakosur për
bulevardin që ai dhe qeveria ku ai bënte pjesë e bllokuan për dy vite. Koha e humbur nga bllokimi politik i bulevardit të Tirnaës është e parikuperueshme edhe sikur puna të kryehet me 3 turne e jo më me punimet që ecin me ?karrocën e Dylit?. Sado politikë të ketë pasur dhe të ketë brenda kësaj historie, të vetmit që do i vuajnë pasojat do të jenë qytetarët Tiranës./citynews





Lajmet e fundit nga