Mero Baze: Lapsi i Bushatit dhe Shkullakut i shërben Bashës

9 Janar 2016, 21:38, Aktualitet CNA

Në një opinion të tij gazetari dhe analisti Mero Baze ka theksuar se portali Lapsi.al i Andi Bushatit dhe Armand Shkullakut është një media që i shërben Kryetarit të PD-së, Lulzim Basha. Baze ka thekuar se ky portal ka lidhje me Bashen dhe lajmet serviren prej tij duke i bere nje sherbim atyre por edhe duke ndjekur ata që në fakt jane kunder Berishes dhe pro Bashës. Gazetari Mero Baze artikulon se sulmi i Berishës ndaj Bushatit dhe Fevziut, dy nga miqtë e Bashës, është një mesazh për këtë të fundit, që mos të punojë me armiqtë e Berishës.

Ja çfarë shkruan ndër të tjera gazetari Mero Baze:

“Vitin e fundit, Bushati është mysafir i rregullt thuajse çdo muaj i drekave me Lulzim Bashën dhe një person me të cilën Basha ndan plot shqetësime të tij privatisht. Lapsi.al është një mbeshtetëse pa hezitim i PD dhe Bashës, dhe në fushatën e fundit, nëse u referohesh monitorimeve, është faqja më agresive kundër kandidatit të PS për Bashkinë e Tiranës, Erion Veliaj. Informacionet e saj janë shpesh të konsultuara në dorë të parë nga zyra e Bashës dhe janë në një gjatësi vale me të. Por, për të ruajtur konsekuencën e vet anti-Berishë, Bushati ka qenë i ndershëm në kritikat e tij për PD, që duhet të heqë dorë nga trashëgimia e Berishës dhe nga shkolla e baltosjes së gjithçkaje që bën ai. Ai këtë e thotë si tezë për të ndihmuar Bashën, të shkëputet nga Berisha. Është pikërisht kjo arsyeja, që duke sulmuar Bushatin, që realisht është gazetari më pro Bashës në publik, edhe për shkak të miqësisë së tyre të vjetër si bashkëmoshatarë në Tiranë, Berisha është duke i dërguar mesazh Bashës, të mos punojë me armiqtë e tij, por të mbajë distancë prej tyre. Është kjo arsyeja që ai sulmon aq egër Bushatin, edhe pse mbi gjysmat e daljeve publike të Berishës kanë marrë shkas nga lajmet që Basha infiltron tek Lapsi. Në të vërtetë, nëse ka ndonjë gjë që Basha e bën mirë, është pikërisht përpjekja e tij për të diversifikuar rrethin e tij shoqëror dhe duke mos importuar vetëm rrethin e Berishës. Dhe kjo e ka tërbuar Berishën.” thekon Baze në komentin e tij.