web counter
LEXO PA REKLAMA!

SHKARKO APP

App Store
Google Play

E fundit!

x

PD i kërkon KQZ-së dhe prokurorisë të nisin procedimet për largimin e Roshit dhe Bushit

8 Janar 2016, 11:00, Aktualitet CNA

Pas hyrjes në fuqi të ligjit për dekriminalizimn, më 7 janar, Partia Demokratike i ka kërkuar KQZ-së nisjen e hetimeve për të shkuarën e dy kryebashkiakëve, Artur Bushit dhe Elvis Roshit. Përmes një prononcimi për gazetën ?Sot?, kreu i grupit parlamentar për dekriminalizimin, Oert Bylykbashi u shpreh se tani duhet që të merren masa ndaj të gjithë të inkriminuarve, pavarësisht mungesës së akteve nënligjore.Ai tha se aktet kanë të bëjnë me karakterin procedural dhe nuk lidhen me zbatimin e ligjit.

?Aktet nënligjore përcaktojnë vetëm afatet dhe procedurat për vetëdeklarim. Veprimtarinë e ligjit nuk e rregullojnë aktet nënligjore që do të hartohen nga Kuvendi. Dihet që dy kryebashkiakë janë të inkriminuar, apo raste të zyrtarëve të tjerë. Me futjen e ligjit në fuqi institucionet janë të detyruara që t?i kërkojnë prokurorisë të nisë procesin e verifikimit. Në rastin e kryebashkiakëve, kjo është detyrë e KQZ. Komisioni Qendror i Zgjedhjeve duhet të kërkojë nga prokuroria të bëhen verifikime?, deklaroi demokrati Bylykbashi.

Për demokratët, aktet nënligjore nuk kanë rëndësi pasi ligji është miratuar dhe kushdo është i detyruar ta zbatojë. Partia Demokratike ka kërkuar prej kohësh nisjen e hetimit për dy krybashkiakët që drejtojnë rrespektivisht bashkinë e Kavajës dhe atë të Krujës. Dje ka hyrë në fuqi ligji për dekriminalizimin dhe deputeti Bylykbashi i ka kërkuar KQZ-së ti kërkojë prokurorisë nisjen e hetimit për Elbis Roshin, i cili akuzohet se ka qenë i dënuar dhe për Artur Bushin, i cili akuzohet për veprimtari antiligjore jashtë vendit.





Lajmet e fundit nga