Policia Rrugore bën kërdinë me gjoba

8 Janar 2016, 10:41, Aktualitet CNA

Nëpërmjet një njoftimi për shtyp Policia Rrugore bën me dije se në 24 orët e fundit ka vendosur 1976 gjoba për shkelje rrugore të ndryshme të kodit Rrugor.

?Policia Rrugore ka vendosur 1.976 masa administrative për shkelje te ndryshme te Kodit Rrugor dhe jane pezulluar 19 leje drejtimi, e bllokuar 17 automjete pa dokumentacion perkates?, thuhet në njoftimin për shtyp të Policisë.

Ajo që bën përshtypje në këto masa administrative (gjoba) është se gjatë 24 orëve të fundit, policia ka shtuar kontollin në rrugët e vendit, megjithëse prej dy ditësh, i gjithë vendi është përfshirë nga përmbytjet, të cilat kanë sjellë pasoja të rënda për banorët, ku në disa zona uji ka arritur deri në 2 metra lartësi.

Edhe pse gjendja në vend ka qenë alarmante, pasi qindra shtëpi ndodhen nën ujë dhe lumenjtë kanë rrezikuar seriozisht jetët e qytetarëve sepse në disa zona prurjet e shumta kanë bërë që uji të dalë nga shtrati e në disa akse qarkullimi është bllokuar për shkak të prishjes së urave dhe prishjes së argjinaturave, përsëri policia nuk ka menduar t?iu vijë në ndihmë drejtuesve të mjeteve për gjendjen e krijuar por ka nxituar të rrisë kontrollet për të vendosur sa më shumë gjoba.

1976 gjoba, janë të tepërta në një kohë kur vendi ndodhet nën ujë, por mesa duket urdhrat për të ndëshkuar drejtuesit e automjeteve me synim mbushjen e arkës së shtetit, janë cilësuar si parësore.